धादिङ जिल्ला सहकारी संघ लि. को २३ औँ बार्षिक साधारण सभा सम्पन्न

धादिङबेशी । धादिङ जिल्ला सहकारी संघ लिमिटिेडको २३ औ बार्षिक साधारणसभा धादिङबेशीमा सम्पन्न भएको छ । संघका अध्यक्ष रामचन्द्र आचार्यको अध्यक्षतामा सम्पन्न साधारण सभामा राष्ट्रिय सहकारी महासंघका अध्यक्ष मिनराज कडेलको प्रमुख आतिथ्यता तथा कृषि ज्ञान केन्द्र धादिङका कार्यालय प्रमुख निर्मला गुरुङको बिशेष आतिथ्यता रहेको थियो ।

साधारण सभामा सचिव युवराज थपलिया द्धारा प्रस्तुत साङगठनिक प्रतिवदेन तथा कोषाध्यक्ष कमलराज कडेँलद्धारा प्रस्तुत आर्थिक प्रतिवेदन सर्वसहमत पास गरिएको छ ।

२०९ वटा जिल्ला भरिको सहकारी संस्थाहरु आवद्ध भएको संघले हाल धादिङबेशीमा तरकारी बजार संचालन गरिरहेको छ । साधारण सभाले यस बर्ष सहकारी सम्मेलन गर्ने, सहकारी अनुगमनलाई तिव्रता दिने, सहकारीका संचालक तथा कर्मचारीहरुको क्षमता अभिवृद्धिका लागी बिभिन्न किसिमका तालिम गोष्ठी लगाएतको गतिबिधिहरु संचालन गर्ने जस्ता आदि निर्णयहरु पास गरेको छ ।