गुम्दीमा भलिबल प्रतियोगिता तथा गोरु जुधाइ कार्यक्रम सम्पन्न

धादिङ,१५ पुस ।
गंगाजमुना गाउँपालिका वडा नम्बर ३ गुम्दीमा भलिबल प्रतियोगिता तथा गोरु जुधाइ प्रतियोगिता सम्पन्न भएको छ । खेलकुद समितको आयोजनामा पोखरा खेतमा भएको वडा स्तरीय भलिबल प्रतियोगिता तथा गोरु जुधाइ प्रतियोगिता सम्पन्न भएको हो । भलिबल प्रतियोगितामा आयोजक टिम ए गुम्दी प्रथम, वडा नं ४ बसी टिम द्धितिय र वडा नं ३ चिम्चोक टिम तृतीय भएको छ । प्रतियोगितामा प्रथम द्धितिय र तृतिय हुने टिमलाई क्रमश नगद १५ हजार, १० हजार र ७ हजार नगद सहित शिल्ड मेडल र प्रमाण पत्र प्रदान गरिएको छ ।

त्यसैगरी गोरु जुधाइ प्रतियोगितामा ८ हल गोरु जुधाइएको थियो । ८ हल गोरु मध्ये जित्ने गोरुलाई ५००० र हार्ने गोरुलाई ३००० प्रदान गरिएको गंगाजमुना गाउँपालिका वडा नं ३ का अध्यक्ष राज कुमार गुरुङले जानकारी दिनुभयो । खेलकुद समितका अध्यक्ष हरि सिंखडाको अध्यक्षतामा सम्पन्न प्रतियोगितामा गंगाजमुना गाउँपालिकाका उपाध्यक्ष रामेश्वर सिंखडाको प्रमुख आतिथ्यता रहेको थियो । कार्यक्रममा त्रिपुरासुन्दरी गाउँपालिका वडा नं ३ का वडा अध्यक्ष भक्त बहादुर केसी, गंगाजमुना गाउँपालिका वडा नं ४ का वडा अध्यक्ष प्रेम बहादुर घले, गंगाजमुना वडा नं ३ का वडा अध्यक्ष राज कुमार गुरुङको विषेश आतिथ्यता रहेको थियो ।