धादिङका बिमल तामाङ माओवादी निकट बिद्यार्थी संगठनको केन्द्रिय सचिवमा चयन

धादिङबेशी । अखिल नेपाल राष्ट्रिय स्वतन्त्र बिद्यार्थी युनियन (क्रान्तिकारी)को केन्द्रिय सचिव तथा बागमती प्रदेशको उपाध्यक्षमा धादिङका बिमल तामाङ चयन भएका छन् । असोज १९ गते बसेको संगठनको केन्द्रिय कार्यालयको एघारौ बैठकले तामाङलाई उक्त जिम्मेवारी दिएको हो ।

रुवीभ्याली गाउँपालिका वडा न ५ लापा ठुलोगाउँ निवासी बिमल तामाङ कक्षा ६ देखिनै संगठनमा आवद्ध भएका थिए । २०६६ सालमा तामाङ खर्क मावि गुम्दी बाट एस एल सी दिएका तामाङले अमरज्योती उच्च मावि गोरखामा साईन्स पढेका थिए ।

पछि नीलकण्ठ ईकाई कमिटिको सदस्य बाट संगठनमा थप क्रियाशिल भएका तामाङले जिल्ला उपाध्यक्ष, जिल्ला संयोजक हुदै केन्द्रिय सदस्य तथा जिल्ला ईन्चार्ज भैसकेका छन् ।

केन्द्रिय सचिवालय सदस्य तथा बागमती प्रदेशको उपाध्यक्ष भएर जिम्मेवारी निर्वाह गरिरहेका तामाङलाई हाल केन्द्रिय सचिव तथा बागमती प्रदेशका उपाध्यक्षको जिम्मेवारी दिएको हो ।

अखिल नेपाल राष्ट्रिय स्वतन्त्र बिद्यार्थी युनियन (क्रान्तिकारी)को केन्द्रिय कार्यालयको बैठक नेकपा माओवादी केन्द्रका उपाध्यक्ष तथा जवस ईन्चार्ज पम्फा भुषालको प्रमुख आतिथ्यतामा पार्टीका केन्द्रिय सदस्य तथा संगठनका फ्याक्सन ईन्चार्ज हिमाल शर्माको बिशेष उपस्थितिमा सम्पन्न भएको थियो ।