नीलकण्ठ–१३ मा दोस्रो वडा कप फुटबल प्रतियोगिता हुने, प्रथम पुरस्कार २५ हजार

धादिङ,२९ असोज ।
नीलकण्ठ नगरपालिका वडा नम्बर १३ मा कार्तिक ३ गतेदेखि दोस्रो वडा कप फुटबल प्रतियोगिता हुने भएको छ । योङ्ग स्टार क्लबको आयोजनमा नेपाल ताइवान फ्रेन्डसिप खेल मैदान सेउलीमा फुटबल प्रतियोगिता हुने भएको हो।

प्रतियोगितामा १२ टिमको सहभागिता रहने मधु वन युवा क्लबका सचिव सन्तोष मगरले जानकारी दिनु भयो । प्रतियोगितामा प्रथम हुनेले २५ हजार र द्धितिय हुनेले १० हजार पाउनेछन् । साथै सेमिफाइनलमा पुगेका खेलाडीहरुलाई २ हजार प्रदान गरिने मगरले बताउनुभयो ।