धादिङबेशी–साङ्कोष–तिप्लिङ सडक अव प्रदेश सरकारले बनाउँछ : मुख्यमन्त्री जम्कटेल

धादिङ । मुख्यमन्त्री शालिकराम जम्कट्टेलले धादिङबेशी–साङकोष–तिप्लिङ सडक अब प्रदेशले बनाउने बताउनु भएको छ । धादिङबेशीमा खेलकुद बिकास समितिको भवन उद्घाटन समारोहमा बोल्दै मुख्यमन्त्री जम्कट्टेलले सो कुरा बताउनु भएको हो ।

उहाँले उक्त सडकलाई बहुवर्षिय आयोजना स्वीकृत गरेर प्रदेशले बनाउने बताउनु भएको छ । रुवीभ्याली जाने बाटोलाई अब संघीय सरकारले बजेट नहाल्ने भन्दै उहाँले यसको जिम्मा प्रदेशले लिन तयार भएको बताउनु भएको छ ।

छिट्टै प्रादेशिक सडक गुरुयोजना पास गर्ने बताउदै मुख्यमन्त्री जम्कट्टेलले भन्नुभयो,‘धादिङको ३५ वटा सडकमा बजेट राख्नेछौ,एक नम्बरमा धादिङबेशी साङकोष तिप्लिङ सडकलाई राखेर यसपालिबाटै बहुवर्षिय आयोजना स्वीकृत गरेर प्रदेशले बनाउने छ ।’ जम्कट्टेलले रुवीभ्यालीे एकिकृत विकासको छुट्टै कार्यालय स्थापना गरेर अगाडी बढ्ने पनि बताउनुभएको छ ।

धादिङमा प्रदेश सरकारबाट बजेट धेरै आएको भएता पनि काम नहुने, फ्रिज हुने गरेकोमा उहाँले चिन्ता ब्यक्त गर्नु भएको छ । धेरै पालिकामा प्रदेशले पठाएको बजेट कार्यान्वयन नभएको भन्दै जिल्लामा आएको बजेटलाई व्यवस्थित ढङगले सदुपयोग गर्न मुख्यमन्त्री जम्कट्टेलले सरोकारवाला सबैलाई आग्रह गर्नु भएको छ ।

खेलकुद बिकास समितिको भवन उद्घाटन समारोहका केहि तस्विरहरु