नेवि संघ केन्द्रिय कार्यसमितिमा धादिङका ९ जना मनोनित

धादिङ । नेपाली कांग्रेसले पार्टीको प्रमुख भ्रातृ संस्था नेपाल विद्यार्थी सङ्घको तदर्थ केन्द्रीय कार्यसमितिमा धादिङ बाट ९ जनालाई थप गरेको छ ।

कांग्रेस सभापति शेरबहादुर देउवाले दुजाङ शेर्पाको अध्यक्षतामा गठित केन्द्रीय तदर्थ कार्यसमितिमा सोमबार ७ सय १० सदस्य मनोनयन गर्नुभएको हो ।

सभापति देउवाले धादिङ सहित ७७ वटै जिल्लाको प्रतिनिधित्व हुनेगरी नेविसङ्घमा सदस्य थप गर्नुभएको हो । धादिङ बाट नेपाल विद्यार्थी सङ्घको तदर्थ केन्द्रीय कार्यसमिति हरि अधिकारी, डेभिड घले,लक्ष्मी सिलवाल,इन्जिनियर अशोक धमला,याकुब घले,डि.बि. घले,बिकास अधिकारी, प्रमोद गिरी, र प्रविण जम्कट्टेल मनोनयन भएका छन् ।

सभापति देउवाले २०७८ चैत ९ गते नेविसङ्घको केन्द्रीय अध्यक्षमा दुजाङ शेर्पालाई नियुक्त गर्नुभएको थियो ।