धादिङमा आज ६२ जनामा डेंगु संक्रमण पुष्टि

धादिङ, १८ साउन ।
धादिङमा आज ६२ जनामा डेंगु संक्रमण पुष्टि भएको छ । बिहीबार नीलकण्ठ नगरपालिकाका ५३ जना, त्रिपुरासुन्दरी गाउँपालिकामा ४ जना, गंगाजमुना, नेत्रावती डबजोङमा २÷२ जना र सिद्धलेक गाउँपालिकामा १ जना गरी ६२ जना डेंगु पुष्टि भएको हो ।

स्वास्थ्य कार्यालय धादिङका अनुसार साउन महिनामा धादिङका ७२७ जनामा डेंगु संक्रमण पुष्टि भइसकेको छ । जसमा ३३८ जना महिला रहेका छन् भने ३८९ जना पुरुष रहेका छन् ।

धादिङका कुल संक्रमित मध्ये नीलकण्ठ नगरपालिकामा मात्रै ६५७ जना संक्रमित भएका छन् । ज्वालामुखी गाउँपालिकामा १९ जना, त्रिपुरासुन्दरीमा ९ जना, गंगाजमुना र सिद्धलेकमा ८/८ जना, खनियाबासमा ७ जना, बेनीघाट रोराङ ६ जना, नेत्रावती डबजोङमा ५ जना, रुवीभ्यालीमा ४ जना, गल्छीमा २ जना र धुनीबेशी नगरपालिकामा १ जना संक्रमित भएका छन् ।