प्रेस युनियन धादिङको अध्यक्षमा सन्तोषराज श्रेष्ठ चयन

धादिङ । नेपाल प्रेस युनियन धादिङको नवौं अधिवेशनबाट अध्यक्षमा सन्तोषराज श्रेष्ठ चयन भएका छन् ।

नेपाली कांग्रेसका केन्द्रीय सदस्य तथा युवा नेता प्रदीप पौडेल प्रमुख आतिथ्यता त्रिपुरासुन्दरी गाउँपालिका स्थित सल्यानटारमा सम्पन्न भएको अधिवेशनले श्रेष्ठलाई सर्वसहमत अध्यक्ष बनाई ११ सदस्यीय नयाँ कार्यसमिति चयन गरेको हो ।

गठित समितिको खुल्ला उपाध्यक्षमा सन्तोष अधिकारी, समावेसी उपाध्यक्षमा बिनु सिंखडा, सचिवमा मनिश श्रेष्ठ, सहसचिवमा सुशिला विश्वकर्मा, कोषाध्यक्षमा सितल सापकोटालाई चयन गरेको छ । यस्तै सदस्यहरुमा सन्जु श्रेष्ठ, दिलिप श्रेष्ठ, अनिश तामाङ, पुरुषोत्तम ढुङ्गाना, अनिल आचार्य चयन भएका छन् ।

अधिवेशन कै अवसरमा आयोजित रक्तदान कार्यक्रममा ३४ पुरुष ८ महिला गरि ४२ जनाले रक्तदान गरेका थिए ।