नेत्रावतीमा जेष्ठ नागरिक शिविर, ५२१ जनाले सेवा लिए

धादिङ । नेत्रावती डवजोङ गाउपालिकामा जेष्ठ नागरिक शिविर सम्पन्न भएको छ । गाउँघरका मानिसहरु जटिल अवस्था आएपछि मात्र स्वास्थ्य जाँच गर्न स्वास्थ्य संस्थाहरुमा जाने गरेकोमा रोगहरु पहिचान गरि सामान्य अवस्थामा नै औषधी उपचार गर्न सहयोग पुगोस भन्ने उदेश्यले शिविर संचालन गरिएको थियो ।

शिविरमा सवै वडाको गरी ३८३ जना महिला र १३८ जना पुरुष गरी जम्मा ५२१ जनाले स्वास्थ्य जाँच गराएका थिए । जेष्ठ १४ गते देखि सुरु भएको शिविरमा गाउपालिकाको पाँच वटै वडामा संचालन भएको थियो । गाउपालिकाले जेष्ठ नागरिकहरुलाई स्वास्थ्यमा पहुँच पुगोस भनि हरेक ३ /३ महिनामा जेष्ठ नागरिक शिविर संचालन गर्दै आएको छ ।

डा. उत्तम कुमार थापाको नेतृत्वमा संचालन गरिएको शिविरमा जेष्ठ नागरिकहरुलाई सुगर, प्रेसर लगाएतका सामान्य रोगको औषधी समेत बितरण गरिएको थियो ।
गाउपालिकाले जेष्ठ नागरिक शिविर संचालन गरेकोमा स्थानियहरु खुसी भएका छन् ।