नेपाल यातायात ब्यवसायी राष्ट्रिय महासंघ धादिङको संयोजकमा तुलसी अधिकारी

धादिङ । नेपाल यातायात ब्यवसायी राष्ट्रिय महासंघ धादिङ समन्वय समितिको संयोजकमा तुलसी प्रसाद अधिकारी चयन भएका छन् ।
आज नेपाल यातायात ब्यवसायी राष्ट्रिय महासंघ बागमती प्रदेशका संयोजक सुमन गिरीको अध्यक्षतामा भएको यातायात ब्यवसायीहरुको भेला बाट जिल्ला समन्वय समिति चयन गरिएको हो ।

गठित समितिको सचिवमा रामकुमार बानिया,सदस्यमा अशोक खतिवडा,प्रकाश सिम्खडा सल्लाहकारमा बाबुकाजी श्रेष्ठ चयन भएका छन् ।
कार्यक्रममा धादिङ मण्डली यातायात प्रा.ली.का अध्यक्ष शरद अधिकारी,प्रवन्धक राजेश प्रजापती, ग्रामीण यातायात धादिङ प्रा.ली.का अध्यक्ष राजेन्द्र अधिकारी लगाएतको आतिथ्यता रहेको थियो ।

नवगठित समितिको संयोजक तुलसी प्रसाद अधिकारीले जिल्लाको यातायातलाई ब्यवस्थित गर्न आफु लागी पर्ने बताउनु भएको छ ।