धादिङमा डेंगी संक्रमितको संख्या २४ सय पुग्यो, आज ११ जनामा संक्रमण पुष्टि

धादिङ,०७ मंसिर ।
बुधबार धादिङका थप ११ जनामा डेंगी संक्रमण पुष्टि भएको छ । स्वास्थ्य कार्यालय धादिङका अनुसार नीलकण्ठ नगरपालिकाका ८ जना र सिद्धलेक गाउँपालिकाका ३ जना गरी ११ जनामा संक्रमण पुष्टि भएको हो ।

हालसम्म जिल्लामा १ हजार २८३ जना पुरुष र १ हजार ११७ महिला गरी कुल २ हजार ४ सय जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ । जिल्लामा कुल संक्रमति मध्ये सबै भन्दा धेरै संक्रमित १५ सय २५ जना नीलकण्ठ नगरपालिमा रहेका छन् भने खनियाबास गाउँपालिकामा सबै भन्दा कम ७ जना संक्रमित रहेका छन् ।

कुल संक्रमित मध्ये १०२ जनाको ठेगाना खुलेको छैन भने ८ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ । धादिङ अस्पताल, सल्यान्टार प्राथमिक स्वास्थ्य केन्द्र र गजुरी प्राथमिक स्वास्थ्य केन्द्र) बाट डेंगी परिक्षण हुदैँ आएको छ ।