सल्यानबेसी जात्राको अवसरमा प्रथम त्रिपुरासुन्दरी गोल्ड कप हुँदै

धादिङ ७, मंसिर । त्रिपुरासुन्दरी गाउँपालिका वडा न ६ मा प्रथम त्रिपुरासुन्दरी गोल्ड कप पुरुष फुटबल प्रतियोगिता हुने भएको छ ।
धादिङको ऐतिहासिक धार्मिक पर्व त्रिपुरासुन्दरी माईको मन्दिरमा लाग्ने न्वागी मेला अर्थात सल्यानबेसी जात्राको अवसरमा भोली देखि मंसिर ११ गते सम्म त्रिपुरासुन्दरी गोल्ड कप प्रतियोगिता आयोजना हुन लागेको हो ।
गणेश स्थान युवा क्लव धादिङको आयोजनामा हुने प्रतियोगितमा प्रथम पुरस्कार १ लाख ३३ हजार ३३३ रुपैयाँ सहित ट्रफि मेडल र प्रमाण पत्र रहेको छ । त्यसैगरीे उपविजेतालाई ६६ हजार ६६६ रुपैयाँ सहित ट्रफि मेडल र प्रमाणपत्र रहेको छ ।
खेलमा उच्च गोल कर्ता र उत्कृष्ट खेलाडी एक जनालाई ४ हजार सहित ट्रफि दिइने छ । त्यसैगरी उत्कृष्ट गोल रक्षक एक जनालाई ४ हजार सहित ट्रफि दिइने छ आयोजकका अनुसार यस प्रतियोगितामा सहभागि हुन इच्छुक क्लवहरुले आज बेलुकी सम्म ९ हजार ९९९ तिरेर टिम दर्ता गराई सक्नु बताईएको छ । यस वर्ष सल्यानबेसी जात्रा यहि मंसिर १० र ११ गते लाग्दै छ ।