पछिल्लो २४ घण्टामा धादिङका थप १८ जनामा डेंगु संक्रमण

धादिङ,०२ मंसिर ।
पछिल्लो २४ घण्टामा धादिङका थप १८ जनामा डेंगु संक्रमण पुष्टि भएको छ । ८ जना पुरुष र १० जना महिला गरी १८ जना डेंगुका नयाँ बिरामी थपिएको स्वास्थ्य कार्यालय धादिङको विवरणमा उल्लेख गरिएको छ।

संक्रमित मध्ये १७ जना नीलकण्ठका र १ जना सिद्धलेकका रहेका छन् । गत साउन यता धादिङमा १ हजार २६३ जना पुरुष र १ हजार ९१ जना महिला गरी २ हजार ३ सय ५४ जनामा डेंगी संक्रमण पुष्टि भइसकेको छ।

जिल्लामा कुल संक्रमति मध्ये सबै भन्दा धेरै संक्रमित नीलकण्ठ नगरपालिमा रहेका छन् भने खनियाबास गाउँपालिकामा सबै भन्दा कम संक्रमित रहेका छन् । जम्मा संक्रमित मध्ये १०२ जनाको ठेगाना खुलेको छैन भने ९ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ ।