शनिबार धादिङका १९ जना डेंगी संक्रमण

धादिङ,२६ कात्तिक ।
धादिङ थप १९ जनामा डेंगी संक्रमण पुष्टि भएको छ । शनिबार नीलकण्ठ नगरपालिकाका १५ जना, गल्छि, सिद्धलेक, ज्वालामुखी र रुवी भ्याली गाउँपालिकाका एक/एक जनामा डेंगी संक्रमण पुष्टि भएको स्वास्थ्य कार्यालय धादिङले जनाएको छ ।

हालसम्म जिल्लामा १ हजार २१६ जना पुरुष र एक हजार ४४ महिला गरी कुल २ हजार २६० जनामा संक्रमण पुष्टि भएको स्वास्थ्य कार्यालयको विवरणमा उल्लेख गरिएको छ । जिल्लाका संक्रमित मध्ये आधा भन्दा बढि संक्रमित नीलकण्ठ नगरपालिकामा रहेका छन् ।

कुल संक्रमित मध्ये १०२ जनाको ठेगाना खुलेको छैन भने ९ जना अन्य जिल्लामा परिक्षण गरिएको स्वास्थ्य कार्यालय धादिङले जनाएको छ ।

फाईल तस्विर