उत्तरी धादिङको बिकास निम्ती मेरो उम्मेद्वारी : जगत सिम्खडा

धादिङ २६, कात्तिक । धादिङ प्रतिनिधि सभा क्षेत्र न २ का प्रदेश ख का उम्मेद्वार जगत सिम्खडाले उत्तरी धादिङको बिकासको लागी आफ्नो उम्मेद्वारी रहेको बताएका छन् ।उहाँले आफ्नो पहिलो कार्यकालमा उत्तरी धादिङको बिकासमा लागी केहि सुरुवात भएको र ती अपुरा योजना पुरा गर्न तथा नयाँ थप बिकासको लागी आफ्नो उम्मेद्वारी रहेको बताएका हुन् ।

उत्तरी धादिङ जनताको साँच्चिकै शुख दुख आफुले बुझेको भन्दै उहाँले अव आफु निर्वाचित भएपछि बिकास केहो भनेर बुभm्ने गरी जनताको मन जितेर काम गर्ने बताएका छन् । मतदाता भेटघाट तथा घरदैलोको क्रममा उहाँले उत्तरी धादिङमा २५ बर्ष सम्म नभएको बिकास आफ्नो पहिलो पाँच बर्षे कार्याकालमा नै भएको बताएका छन् । उहाँले फरक प्रसङ्गमा रुवीभ्याली गाउपालिकाको बिकासको लागी सदैव बोल्ने गरेकोले आफुलाई रुवीभ्याली भनेर समेत बोलाउन थालेको बताएका छन् ।

उहाँले आफुले गरेको बिकासको सुरुवातलाई हेरेर भोट गर्न समेत मतदाताहरुलाई आग्रह गरेका छन् । उत्तरी धादिङको रुवीभ्याली,गंगाजमुना,त्रिपुरासुन्दरी र खनियाबास गाउपालिकामा जगत सिम्खडा निर्वाचित भएपछि बिकास भएको हो भन्ने महशुष गर्ने गरी जनताको काम गर्ने मतदाता भेटघाट तथा घरदलोको क्रममा प्रतिबद्धता ब्यक्त गरेका छन् ।

सिम्खडा धादिङ क्षेत्र न २ का ख गठबन्धनका साझा उम्मेद्वार हुन् ।