धादिङका अमृत तामाङ बागमती प्रदेशको खेलकुद छनोट समितिको सदस्यमा नियुक्त

धादिङ,१४ भाद्र ।
धादिङका अमृत तामाङ बागमती प्रदेशको खेलकुद छनोट समितिको सदस्यमा नियुक्त हुनुभएको छ । बागमती प्रदेश खेलकुद परिषदले तेक्वान्दो प्रशिक्षक तामाङलाई नवौं राष्ट्रिय खेलकुद प्रतियोगिताको लागि प्रदेशको खेलकुद छनोट समितिको सदस्यमा नियुक्त गरेको हो ।

खेलकुद प्रदेश परिषदले तेक्वान्दोका खेलाडी छनोट गर्न राजेश प्रजापतिको संयोजकमा ३ सदस्यीय छनोट समिति बनाएको छ । जसको सदस्यमा अमृत तामाङ र अशोक खड्का नियुक्त हुनुभएको छ ।समितिले भाद्र २० र २१ गते बागमती प्रदेशबाट नवौं राष्ट्रिय खेलकुद प्रतियोगिता खेल्ने तेक्वान्दो तर्फको खेलाडी छनोट गर्ने छ ।