निर्वाचन प्रहरी भर्ना फाराम भर्ने म्याद थप,माघ ३ गतेसम्म कायम

धादिङबेशी,२ माघ । प्रतिनिधि सभा सदस्य निर्वाचनलाई भरपर्दो, सुरक्षित, मर्यादित र विश्वसनीय बनाउनका लागि निर्वाचन प्रहरी भर्ना प्रक्रियाअन्तर्गत फाराम भर्ने म्याद थप गरिएको छ ।

जिल्ला प्रशासन कार्यालय धादिङका अनुसार निर्वाचन प्रहरी भर्नाका लागि यसअघि प्रकाशित सूचनाअनुसार फाराम भर्ने अन्तिम म्याद २०८२ माघ १ गतेसम्म तोकिएकोमा निर्वाचन प्रहरी भर्ना छनोट तथा नियुक्ति समिति, धादिङको निर्णयअनुसार उक्त म्याद २०८२ माघ ३ गते शनिबारसम्मका लागि थप गरिएको हो ।

साथै फाराम भर्ने उम्मेदवारहरूको छनोटका लागि सम्पर्क यहि माघ ४ गते आइतबार तोकिएको जिल्ला प्रशासन कार्यालयले जनाएको छ । सम्बन्धित सबै इच्छुक तथा योग्य उम्मेदवारलाई तोकिएको समयभित्र फाराम भरी आवश्यक प्रक्रियामा सहभागी हुन जिल्ला प्रशासन कार्यालय धादिङले आग्रह गरेको छ ।