पृथ्वी राजमार्गमा यात्रा गर्दा सतर्कता अपनाउन प्रशासनको आग्रह

धादिङबेशी ।  चितवन, धादिङ र तनहुँका प्रमुख जिल्ला अधिकारीहरूले संयुक्त सूचना जारी गर्दै आगामी असोज २० गतेसम्म अत्यावश्यक बाहेक पृथ्वी राजमार्ग हुँदै यात्रा नगर्न आग्रह गरेका छन्।

हाल देशभर सक्रिय मनसुन प्रणालीका कारण कोत्रे–मुग्लिङ्ग नागढुङ्गा एंव नारायणगढ–मुग्लिङ्ग सडकखण्डमा लगातार पहिरोको जोखिम बढेको छ। यही जोखिमलाई ध्यानमा राख्दै सवारी साधन तथा यात्रुहरूलाई उच्च सतर्कता अपनाउन प्रशासनले अनुरोध गरेको हो।

सूचनामा भनिएको छ  पहिरो, सडक अवरोध वा वर्षाले सडक जोखिमपूर्ण बन्ने भएकाले यस्ता अवस्थामा यात्रा नगर्न र यात्रा गर्नै परेमा सुरक्षाका सम्पूर्ण उपाय अपनाएर मात्रै यात्रा गर्न अनुरोध गरिएको छ।

प्रशासनले सवारी साधन चालकहरूलाई पनि आवश्यक सावधानी अपनाउन, अत्यावश्यकबाहेक ठूला सवारी साधन नचलाउन र स्थानीय प्रशासनको निर्देशन पालना गर्न आग्रह गरेको छ।

यात्राका क्रममा गुनासो वा थप जानकारी आवश्यक परेमा निम्न नम्बरहरूमा सम्पर्क गर्न सकिनेछ:

• जिल्ला प्रहरी कार्यालय, चितवन – ९८५१०३९९३९

• जिल्ला प्रहरी कार्यालय, धादिङ – ९८४१९९२२६६

• जिल्ला प्रहरी कार्यालय, तनहुँ – ९८४६०२२५४४

• ट्राफिक प्रहरी कार्यालय, चितवन – ९८४५०९०९८८

• ट्राफिक प्रहरी कार्यालय, धादिङ – ९८४१९३२२४८

• ट्राफिक प्रहरी कार्यालय, तनहुँ – ९८४६००१००९

यो सूचना चितवन, धादिङ र तनहुँ जिल्लाका प्रमुख जिल्ला अधिकारीहरूको संयुक्त हस्ताक्षरमा जारी गरिएको हो।