नीलकण्ठ–७ तल्लो बेसीमा जनतासँग मेयर स्वास्थ्य परीक्षण कार्यक्रम सम्पन्न

नीलकण्ठ नगरपालिकाका वडा नं ७ मा जनतासँग मेयर स्वास्थ्य परीक्षण कार्यक्रम अन्तर्गत स्वास्थ्य परीक्षण गरिएको छ । नीलकण्ठ–७ स्थित सुनौलो भैरवी माध्यमिक विद्यालय, तल्लो बेसीमा स्वास्थ्य परीक्षण कार्यक्रम गरिएको हो ।कार्यक्रममा ७० भन्दा बढी स्थानिय नागरीकहरुले स्वास्थ्य परीक्षण गराएका छन् । सो अवसरमा स्वास्थ्य बीमा नवीकरण, नयाँ दर्ता, साथै सामाजिक सुरक्षा भत्ता नवीकरणसम्बन्धी शिविर पनि सञ्चालन गरिएको थियो। गाउँमै स्वास्थ्य सेवा पाएपछि नागरिहरु खुसि भएका छन् ।

नीलकण्ठ नगरपालिकाले जनतासँग मेयर स्वास्थ्य परीक्षण कार्यक्रम सन्चालन गरेर गाउँगाउँमा गएर स्वास्थ्य परिक्षण सन्चालन गरीरहेको छ । वडाका स्वास्थ्यकर्मीहरु गाउँमै गएर प्रत्येक नागरिकहरुको स्वास्थ्य अवस्था के छ,कुन औषधी सेवन गरीरहनुभएको छ र शारीरिक तथा मानशिक अवस्था के छ भनेर डाटा संकलन गर्ने तथा औषधी वितरण गर्दै आईरहेको छ ।शिविरमा वडाका सम्पूर्ण जनप्रतिनिधिहरूको सक्रिय सहभागिता रहेको थियो ।