प्रजातन्त्र दिवसमा साङ्कोष मा.विका विद्यार्थीलाई शैक्षिक सामग्री वितरण
धादिङ–२ मा बोधनारायण श्रेष्ठको वाचा पत्र सार्वजनिक, “सुशासन, रोजगारी र पूर्वाधार विकास” मुख्य एजेन्डा
कार्यसम्पादन मूल्याङ्कन : धादिङमा बेनीघाट रोराङ प्रथम, नीलकण्ठ दोस्रो र खनियाबास सबैभन्दा पछाडि
दोस्रो मेयर कप फुटसल प्रतियोगिताको उपाधि एक्सन नेपाललाई
अभिभावकको दबाब र मोबाईलको अत्यधिक प्रयोगले बालबालिकामा व्यवहारजन्य समस्या बढ्योः रामकुमार थापा
धादिङ दुर्घटना अपडेट : १९ जनाको मृत्यु, २५ घाइते (विवरण सहित)
धादिङ, ०१ चैत्र ।
रेडबुल १५औं मार्पाक प्रिमियर लिग (MPL) को उपाधि चौतारा युवा क्लबले जित्न सफल भएको छ।
कुल १५ टिमको सहभागितामा सम्पन्न प्रतियोगिताको फाइनल खेलमा चौताराले उपाधि जित्दै नगद रु २२ हजार २२२, ट्रफी, मेडल र प्रमाणपत्र प्राप्त गर्यो। उपविजेता बनेको टिम थलाले नगद रु ११ हजार,१११, मेडल र प्रमाणपत्र हात पार्न सफल भयो।
त्यस्तै, डुप्चे युवा क्लब प्रतियोगिताको अनुशासित टिम घोषित हुँदै नगद रु ५ हजार,५५५ जित्न सफल भयो। सेमिफाइनलमा पुगेका भेट्रान्स र चरङ्गे युथ क्लबले समानरुपमा नगद रु ३ हजार ३ सय ३३ प्राप्त गरे।
प्रतियोगितामा चौतारा टिमका सोमान तामाङ उत्कृष्ट गोलकिपर घोषित हुँदै नगद रु २ हजार २ सय २२ मेडल र प्रमाणपत्र प्राप्त गरे। चौताराकै विमल तामाङ उत्कृष्ट फरवार्ड घोषित भए भने उदियमान खेलाडी कर्णेल रणमेहर काजी युनाइटेडका समिर अधिकारी बने। उनीहरूमध्ये प्रत्येकले नगद रु २ हजार २ सय २२ , मेडल र प्रमाणपत्र हात पारे।
नकआउट चरणका खेलहरूमा मुख्य प्रायोजक रेडबुलको तर्फबाट “Red Bull Energetic Player of The Match Special Gift” रेडबुलका प्रतिनिधि रामशरण शिवाकोटीको उपस्थितिमा हस्तान्तरण गरिएको थियो।
प्रतियोगिताको उद्घाटन अ.ने. शिक्षक संगठनका केन्द्रीय अध्यक्ष तथा नेकपा माओवादी केन्द्रका केन्द्रीय सदस्य शंकर अधिकारीले गरेका थिए। कार्यक्रममा ठाकुर गुरुङ, उत्तम अधिकारी, गोपाल गुरुङ, डम्बर अधिकारी, सुब्बा ब. सुनार लगायतका अतिथिहरूको उपस्थिति रहेको थियो।
रेडबुल टाइटल स्पोन्सर रहेको प्रतियोगितामा नेपाली मन उद्योग मुख्य प्रायोजक थियो भने जयमाता देवी ज्वेलर्स, ट्रकर ट्रेक नेपाल, क्याम्ब्रिज बालाजु, र छाङ्गमी कोरियन भाषा केन्द्र बालाजु सह-प्रायोजक रहेका थिए। प्रतियोगिता सफलतापूर्वक सम्पन्न गर्न सितामाया चोदेन, उत्तम अधिकारी, गोपाल गुरुङ, शंकर अधिकारी लगायतका व्यक्तिहरूले आर्थिक सहयोग गरेका थिए।
प्रतियोगिताको मिडिया पार्टनरहरूमा दिव्यदर्शन टेलिभिजन, नीलकण्ठ एफएम, भिजन न्यूज नेपाल, जनअपडेट, गुल्मी बुलेटिन, र धादिङ सञ्चार रहेका थिए।
