नेत्रावती डबजोङबाट SEE मा ९२.३६ प्रतिशत विद्यार्थी उतीर्ण
किबो स्काउट ट्रुपद्राद्धारा स्काउट स्थापना दिवसको अवसरमा सन्देशमुलक नृत्य तथा नाटक प्रस्तुत
धादिङको बेल्खुमा दुई मोटरसाइकल ठोक्किँदा तीनजना घाइते, एकजनाको अवस्था गम्भीर
सिद्धलेकले ल्यायो ६० करोडको बजेट,सडक, शिक्षा, कृषि र स्वास्थ्यमा जोड
मिन्दुका माविमा संघ, प्रदेश र स्थानीय तहको झल्को दिने नमुना निर्वाचन सम्पन्न
धादिङमा नवप्रवेशी शिक्षकका लागि तीनदिने तालिम सुरु, शिक्षण दक्षता अभिवृद्धिमा जोड
धादिङ, १३ माघ ।
धादिङ अस्पतालले शनिबार विविध विशेषज्ञ सेवाहरू प्रदान गर्दै १९० जना नागरिकलाई स्वास्थ्य सेवा उपलब्ध गराएको छ। अस्पतालले छालारोग, इन्डोक्राइन (थाइरोइड र सुगर), मुटुरोग, तथा नाक, कान, घाँटी सम्बन्धी विशेषज्ञ सेवा सञ्चालन गरी उल्लेखनीय संख्यामा नागरिकहरूलाई लाभान्वित गरेको हो।
विशेषज्ञ सेवाको विवरणअनुसार, छालारोगका लागि ७६ जना, इन्डोक्राइन सेवाका लागि १६ जना, मुटुरोगका लागि १९ जना, तथा नाक, कान, घाँटीका लागि ७९ जनाले सेवा लिएका छन्। साथै, शनिबार १९ जनाले इकोकार्डियोग्राम सेवा पनि प्राप्त गरेका छन्।
धादिङ अस्पतालका निमित्त अस्पताल निर्देशक डा.गगन अधिकारीले नियमित रूपमा विशेषज्ञ सेवाहरू सञ्चालन गर्दै आएको जानकारी गराउँदै आगामी दिनमा पनि यस्ता सेवाहरूलाई निरन्तरता दिने प्रतिबद्धता जनाउनुभएको छ ।
धादिङ अस्पतालले गाउँ र दुर्गम क्षेत्रका नागरिकलाई गुणस्तरीय स्वास्थ्य सेवा प्रदान गर्न उल्लेखनीय योगदान पु¥याइरहेको छ। यसले स्वास्थ्य सेवामा पहुँच नपुगेका नागरिकलाई सहयोग पु¥याउने विश्वास गरिएको छ।
