धुवाँकोटमा गोरु जुधाई तथा विविध सांस्कृतिक कार्यक्रम सम्पन्न

धादिङ,२ पुस
धादिङको नीलकण्ठ नगरपालिका वडा नम्बर १४ धुवाकोटमा माघे संक्रान्तिको अवसरमा गोरु जुधाई,कृषि तथा हस्तकला प्रर्दशनी र सांस्कृति कार्यक्रम सम्न्न भएको छ । संस्कृति संरक्षण तथा प्रर्यटन प्रबद्र्धन केन्द्रको आयोजना,भंगेरी युवा क्लबको सहआयोजना तथा नीलकण्ठ नगरपालिकाको आर्थिक सहयोगमा कार्यक्रम सम्पन्न भएको हो । हाम्रो संस्कृति हाम्रो पहिचान आन्तरिक पर्यटन प्रवद्धन धुवाँकोटको अभियान भन्ने मुल नाराका साथ आयोजना गरिएको गोरु जुधाइ प्रतियोगितामा ९ हल गोरु जुधाइएको थियो।संस्कृति संरक्षण तथा प्रर्यटन प्रबद्र्धन केन्द्रका अध्यक्ष शिव कुमार श्रेष्ठको अध्यक्षतामा सम्पन्न भएको कार्यक्रममा प्रदेश सांसद गोविन्द लम्सालको प्रमुख आतिथ्यता रहेको थियो । कार्यक्रममा पुर्व मन्त्री तथा नेकपा एमालेका नेता डा.रामकुमार अधिकारी,प्रमुख जिल्ला अधिकारी सुमन धिमिरे,नेपाली कांग्रेस धादिङका पूर्व सभापति रमेश धमला क्षेत्रीय सभापति राकेश धमला नीलकण्ठ नगरपालिकाका सल्लाहकार दीपक कोइराला, वडा नम्बर १४ का वडा अध्यक्ष नमराज दुवाडी,नीलकण्ठ नगरपालिकाका पूर्व उपप्रमुख मनराज भण्डारी लगायत को विशेष आतिथ्यता रहेको थियो। प्रतियोगितामा थम नारायण श्रेष्ठको गोरुले समूह क बाट विजयी भएको थियो।

त्यस्तैगरी समूह क मा विष्णु कार्कीको गोरु उपविजेता बनेको थियो।प्रकाश वस्तीको गोरु उपविजेता बन्न सफल भएको थियो।गोरु जुधाई प्रतियोगितामा प्रेमप्रसाद लामिछानेको गोरु विजयी भएको थियो भने सुजन अधिकारी र सन्तोष घिमिरेको गोरु बराबरी भएको थियो।प्रतियोगितामा विजयी गोरु धनीलाई नगद रु १३ हजार र प्रशंसापत्रद्वारा सम्मान गरिएको थियो। त्यसैगरी उपविजेता विष्णु कार्की र प्रकाश वस्ती गोरुधनी कृषकहरुलाई रु १० १० हजार नगदद्वारा पुरस्कृत गरिएको थियो।ही कार्यक्रममा समूह खबाट खड्गबहादुर मगर नरबहादुर कार्की हिरालाल श्रेष्ठको गोरु विजयी भएको थियो। समूह ख बाट विजयी हुनुहुने गोरुधनी कृषकहरूलाई नगद १०— १० हजार र प्रशंसापत्रद्वारा सम्मान गरिएको थियो। समूह ख मा कुमार कार्की र हेमप्रसाद घिमिरेको गोरु बराबर भएको थियो। बराबरीमा रहन भएका गोरु धनी कृषकहरुलाई नगद रु ९र९ हजार द्वारा सम्मान गरिएको थियो।

त्यसैगरी समूह गबाट हिरण्यप्रसाद सापकोटाको गोरु प्रथम भएको थियो। बाट प्रथम हुने कृषक हिरण्यप्रसाद सापकोटा लाई रु ८हजार नगदद्वारा सम्मान गरिएको थियो समूह ग मा कृष्णप्रसाद वस्ती र कुमार कार्कीको गोरु हारजित हुन नसकी बराबरीमा रहेको थियो बराबरीमा रहनुहुने कृष्ण प्रसाद वस्ती र कुमार कार्कीको गोरु तथा गोरु धनी कृषकहरुलाई नगद रु ७ हजार रुपैयाँ द्वारा सम्मान गरिएको थियो। गोरु जुधाई कृर्षि तथा हस्तकला प्रर्दशनी र साँस्कृतिक कार्यक्रममा चर्चित लोकदोहोरी गायक गायिकाहरू कृष क्षेत्री, जुना एसडी, खुस्बु सुनार लगायतका चर्चित कलाकारहरूले आ आफ्रनो प्रस्तुती प्रस्तुत गर्नुभएको थियो । कार्यक्रममा स्थानीय कृषकहरूले उत्पादन गरेको स्थानीय कृषि उत्पादन तथा हस्तकलाको प्रदर्शनी समेत गरिएको थियो । कार्यक्रम स्थलमा नेपाल रेडक्रस सोसाइटीद्वारा रक्तदान कार्यक्रम समेत आयोजना गरिएको थियो