ज्वालामुखीमा मगर पुरोहित र सालैजु  कौह्रा नाँचको तालिम आजदेखी सुरु

धादिङ,२२ पुस

धादिङको ज्वालामुखी गाउँपालिका वडा नम्बर ३ चक्रदेवी टोलमा मगर पुरोहित(वापा मापा) र सालैजु कौह्रा नाँच तालिम आजबाट सुरु भएको छ । आज एक कार्यक्रमका बिच ७ दिने तालिमको उद्घाटन गरीएको हो । नेपाल मगर संघ ज्वालामुखी गाउँ ईकाका अध्यक्ष कुल बहादुर झ्यारीको अध्यक्षतामा सम्पन्न भएको उद्घाटन सत्रमा वडा नम्बर २ का वडा अध्यक्ष राजु लोप्पाको प्रमुख आतिथ्यता र वडा नम्बर ३ का वडा अध्यक्ष उमेश श्रेष्ठको विशेष आतिथ्यता रहेको थियो ।

नेपाल मगर संघ ज्वालामुखी गाउँपालिकाको आयोजना र नेपाल मगर संघ जिल्ला समन्वय समिति धादिङको सह आयोजनामा सन्चालन भएको  तालिममा ज्वालामुखी गाउँपालिका र नेपाल मगर बौद्ध सेवा समाज जिल्ला कार्य समिति धादिङको प्राविधिक सहयोग रहेको छ ।आजदेखी सुरु भएको तालिम पुस २९ गते सम्म सन्चालन हुनेछ ।मगर जातिको भाषा,संस्कृति,परम्परालाई जीवन्त राख्नको लागि तालिमको आयोजना गरीएको नेपाल मगर संघ ज्वालामुखी गाउँ ईकाका अध्यक्ष कुल बहादुर झ्यारी मगरले जानकारी दिनुभयो ।