खाल्टे–फ्याक्सेमा गोरु जुधाई तथा सांस्कृतिक कार्यक्रम हुने,पुस २० गते एक दिन मात्र गोरु दर्ता गरिने

धादिङ,१७ पुस
धादिङको नीलकण्ठ नगरपालिका वडा नम्बर ५ खाल्टे फ्याक्सेमा यसबर्ष पनि माघ १ गते १० औँ गोरु जुधाई प्रतियोगिता तथा सांस्कृति कार्यक्रम हुने भएको छ । चमेरे गुफा संरक्षण समाजको आयोजनामा यस बर्ष पनि राष्ट्रिय कलाकारका साथै गोरु जुधाई प्रतियोगिताको आयोजना गरीएको चमेरे गुफा संरक्षण समाजका सचिव क्षितिज श्रेष्ठले जानकारी दिनुभयो ।

गोरु जुधाई प्रतियोगिताको लागि गोरु दर्ता गर्ने समय पनि निर्धारण गरीएको छ । पुस २० गते मध्यान्ह १२ बजे स्कुल डाँडामा आ–आफ्नो गोरु दर्ता गराउन सचिव श्रेष्ठले आग्रह गर्नुभएको छ । दर्ता शुल्क १ हजार मात्र रहेको र एक दिन मात्र दर्ताको लागि समय छु्ट्याइएको चमेरे गुुफा संरक्षण समाजका अध्यक्ष चन्द्र बहादुर श्रेष्ठले जानकारी दिनुभयो । माघ १ गते माघे संक्रान्तिको दिन हास्यव्यंग्य कलाकार पवन खतिवडा(क्याकुरी)को टिम र नवराज काप्री(भाले)को टिमको प्रस्तुती रहने छ । दशौं गोरु जुधाई प्रतियोगिता तथा सांस्कृति कार्यक्रमको अवलोकनको लागी आयोजकले सबैलाई आग्रह गरेको छ ।