रुबीभ्यालीमा केन्द्रिय विद्युतीय लाईन बिस्तार गर्न माग गर्दै प्राधिकरणमा ज्ञापनपत्र पेश

धादिङ,११ मंसिर
धादिङको रुबीभ्याली गाउँपालिकामा केन्द्रिय प्रसारण लाइन छिटो बिस्तार गर्न माग गर्दै स्थानीयहरुद्वारा नेपाल विद्युत प्राधिकरण धादिङ बितरक केन्द्रमा ज्ञापन पत्र पेश गरिएको छ ।बिगत लामो समय देखि केन्द्रिय प्रसारण लाइन बिस्तारको कार्य थालनी भएपनी अझै बिद्युत सेवा रुबीभ्यालीमा बिस्तार हुन नसकेको भन्दै ज्ञापन पत्र बुझाईएको हो ।

केन्द्रिय विद्युतिय लाइन बिस्तार हुन नसक्दा स्थानीयले धेरै सास्ती भोग्नु परेको छ । कलकारखाना, मिल, फर्निचर संचालनमा समस्या, लघु बिद्युतमा पावर हाइ लो भैरहदा, कम्प्युटर, टिभी, मोबाइल लगायतका मेसिनरी सामानहरु जल्ने र उक्त सामाग्रीहरु चलाउन समस्या हुने गरेको स्थानीय बताउन्छन । सरकारी कार्यलयहरु, बैंक, स्कुल, स्वास्थ संस्थाहरु लगायत थुप्रै क्षेत्रहरुमा समस्या हुने गरेको स्थानीयले बताएका छन् ।

रुबीभ्याली गाउँपालिका कै सिमानामा पर्ने खनियाबास गाउँपालिका वडा नम्बर १ पेर्चोमा बर्षौ अघि नै केन्द्रिय प्रसारण लाईन बिस्तार भै झलमल छ । तर रुबीभ्यालीका स्थानीय जनता भने अत्यन्तै कम क्षमताको लघु विद्युत सेवा बाट दिनचर्या गर्न बाध्य छन । अझ दिनभरि बत्ति बन्द हुने अनि राति जम्मा ८ दृखी १० घण्टा मात्रै बिद्युत सेवा प्राप्त हुने । ज्ञापनपत्र बुझेपछि कार्यालय प्रमुखले समस्या समाधानको निम्ति आवस्यक कार्य गर्ने र सबै पक्ष सग समन्वय गरि छिट्टै रुबीभ्यालीमा केन्द्रिय प्रसारण लाइन बिस्तार गर्ने बताउनु भएको थियो ।