सिद्धलेक–६ सिम्लेमामा एक वृद्धा मृत अवस्थामा फेला

धादिङ,०१ कात्तिक ।
धादिङको सिद्धलेक गाउँपालिका–६ कुम्पुरभञ्ज्याङ्गस्थित सिम्लेमा एक वृद्धा मृत अवस्थामा फेला परेकी छन्।

८६ वर्षीया सुन्तली घलेलाई गत राति घर नजिकै मृत अवस्थामा भेटिएको जिल्ला प्रहरी कार्यालय धादिङका प्रहरी निरीक्षक तथा सूचना अधिकारी प्रल्हाद सिलवालले जानकारी दिनुभयो।

प्रहरीका अनुसार घलेको शव घरबाट करिब ५०/६० मिटर पर मृत अवस्थामा भेटिएको थियो। मृतकको शरीरमा चोटपटक देखिएकाले हत्या गरिएको आशंका गरिएको छ।

प्रहरीले घटनामा शङ्कास्पद एक जनालाई नीलकण्ठ नगरपालिका–८ ससाह नजिकैबाट नियन्त्रणमा लिएको छ। घटनाबारे थप अनुसन्धान भइरहेको र मृतकको शव पोष्टमार्टमका लागि काठमाडौँस्थित त्रिवि शिक्षण अस्पताल (टिचिङ) महाराजगंज पठाइएको छ।