धादिङमा यात्रुसँग बढी भाडा लिने चालक र गाडी धनीलाई कारबाही , ३२ हजार ६९० रकम यात्रुलाई बसमै फिर्ता
धादिङको सेउली नजिकै बलेरो दुर्घटनामा : १४ जना घाइते, ३ जनाको अवस्था गम्भीर
अन्तराष्ट्रिय शहरी सन्जालको सह-अध्यक्षमा नगर प्रमुख भीमप्रसाद ढुंगाना निर्वाचित,नगरको विकासमा टेवा पुग्ने विश्वास
आजको मौसम : कोशी र बागमती प्रदेशका एकदुई स्थानमा भारी वर्षाको सम्भावना
धादिङमा आफ्नै छोराद्धारा आमाको हत्या
पृथ्वी राजमार्गमा यात्रा गर्दा सतर्कता अपनाउन प्रशासनको आग्रह
धादिङ,२५ भदौ ।
विश्व आत्महत्या रोकथाम दिवसको अवसरमा नीलकण्ठ नगरपालिकामा मनोसामाजिक सुस्वास्थ्य तथा आत्महत्या रोकथाम सम्बन्धी अन्तरक्रिया कार्यक्रम सम्पन्न भएको छ । नीलकण्ठ नगरपालिका वडा नम्बर ४ को आयोजनामा विश्व आत्महत्या रोकथाम दिवसको अवसरमा सरोकारवाला निकायहरुबिच अन्तरक्रिया कार्यक्रम सम्पन्न भएको हो । कार्यक्रममा वडा सदस्यहरु,वडा भित्र रहेका विद्यालयका प्रधानाध्यापकहरु,सामाजिक शिक्षक,टोल सुधार समितिका अध्यक्ष,सहकारीका अध्यक्ष लगायत पार्टी प्रतिनिधिहरुको सहभागिता रहेको थियो ।

नीलकण्ठ नगरपालिका वडा नम्बर ४ मा आत्महत्याको दर बढ्दै गएकोले यस्तो सचेतना मुलक कार्यक्र सन्चालन गरीएको वडा नम्बर ४ का वडा अध्यक्ष हरि बहादुर श्रेष्ठले जानकारी दिनुभयो । वडा नम्बर ४ मा विगत ५ महिनामा ६ जनाले आत्महत्या गरेका छन् । वडा नम्बर ४ का वडा अध्यक्ष हरि बहादुर श्रेष्ठको अध्क्षतामा सम्पन्न भएको कार्यक्रममा सामी कार्यक्रम संयोजक दिनेश दुवाडी,मनोसामाजिक परामर्शकर्ता रामकुमार थापा,वडा सदस्यहरु,विविभन्न पार्टीका प्रतिनिधि लगायतको आतिथ्यता रहेको थियो ।

आत्महत्याका घटना बढ्दै गएको भन्दै त्यस्ता घटनाको रोकथामका लागि सचेतना फैलाउने उदेश्यले सरोकारवालाको उपस्थितमा सचेतना तथा अन्तरक्रिया कार्यक्रम गरिएको वडा अध्यक्ष श्रेष्ठले बताउनुभयो । कार्यक्रममा सामी कार्यक्रम संयोजक दिनेश दुवाडीले आत्महत्याको वर्तमान अवस्था,जिल्ला र नगरपालिको अवस्था,आत्महत्या दुरुत्साहन सम्बन्धी कानुनी सचेतना तथा सामी कार्यक्रमले गरीरहेको कार्यको विषयमा जानकारी गराउनु भएको थियो । यसैगरी नीलकण्ठ नगरपालिकाका मनोसामाजिक परामर्शकर्ता रामकुमार थापाले मानसिक स्वास्थ्य, आत्महत्या भनेको के हो?यसको लक्षण, आत्महत्या गर्नुको कारण, रोकथामका उपाय र चुनौतीको वारेमा सहजिकरण गर्नुभएको थियो ।

उहाँले मानसिक तथा मनोसामाजिक समस्यासँगै भ्रम, लाल्छना, जनचेतनाको कमी, बेरोजगारी,बैदेशिक रोजगारी,घरेलु हिंसा,लागुपदार्थको प्रयोग लगायतको कारणले आत्महत्याका घटना बढ्दै गएको अवस्थामा आत्महत्या रोकथामको लागि सवैको सहकार्य आवश्यक रहेको बताउनुभयो । साथै थापाले आत्महत्या गर्ने व्यक्तिहरुले देखाउने लक्षण,परिवार र समाजले खेल्नुपर्ने भुमिका लगायतको विषयमा जानकारी गराउनु भएको थियो ।यसैगरी सहभागीहरुले यस्तो कार्यक्रमहरु विद्यालय स्तर,गाउँ स्तरमा लैजानुपर्ने बताउनु भएको थियो । यसैगरी वडा अध्यक्ष हरि बहादुर श्रेष्ठले आगामी दिनहरुमा यस्ता किसिमका कार्यक्रमहरु गाउँ स्तरमा लैजाने प्रतिबद्धता व्यक्त गर्नुभएको छ । यसैगरी आजै नीलकण्ठ नगरपालिकाको स्वास्थ्य शखाको आयोजनामा स्वास्थ्य स्वयंम सेविका लगायतको उस्थितीमा अन्तररक्रिया कार्यक्रम सम्पन्न भएको छ ।आत्महत्या रोकथामका लागि सचेतना जगाउन हरेक वर्ष सेम्टेम्वर १० का दिन विश्व आत्महत्या रोकथाम दिवस मनाउने गरिन्छ ।


निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
010521430, 9851120850
प्रेस काउन्सिल दर्ता न: ......
सूचना विभाग दर्ता नम्बर: .....
| अध्यक्ष : | बद्रि अधिकारी |
| प्रधानसम्पादक : | ..... | कार्यक्रारी सम्पादक : |
| ब्यबस्थापक : | .... |
| कानूनी सल्लाहकार : | ..... |
| बजार ब्यबस्थापक : | ..... |