ज्वालामुखीका दलित तथा विपन्न विद्यार्थीहरुको लागि प्राविधिक शिक्षा छात्रवृत्ति वितरण

धादिङ,३० असार ।
ज्वालामुखी गाउँपालिकाले दलित तथा विपन्न विद्यार्थीहरुको लागि प्राविधिक शिक्षा छात्रवृत्ति वितरण गरेको छ । ज्वालामुखी गाउँपालिका भित्र प्राविधिक शिक्षा अध्ययनरत दलित तथा विपन्न विद्यार्थीहरुलाई आईतबार एक कार्यक्रमका बिच छात्रबृत्ति वितरण गरिएको हो ।

गाउँपालिकाले दलित १० जना र विपन्न १७ जना गरी २७ जना विद्यार्थीहरुलाई छात्रवृत्ति वितरण गरेको शिक्षा युवा तथा खेलकुद शाखा प्रमुख देवकी सिंखडाले जानकारी दिनुभयो। गाउँपालिका भित्र स्थायी बसोबास गर्ने र विभन्न प्राविधि शिक्षा अध्ययन गर्ने दलित तथा विपन्न विद्यार्थीहरुलाई छात्राबृत्ति वितरण गरीएको सिंखडाले बताउनुभयो ।

छात्राबृत्ति वितरण कार्यविधि २०७९ अनुसार प्राविधिक क्षेत्रमा पढ्ने विद्यार्थीहरुलाई उत्प्रेरीत गर्न उद्धेश्यले प्रोत्साहन स्वरुप छात्रबृत्ति वितरण गर्दै आएको गाउँपालिकाका उपाध्यक्ष धर्म बहादुर अर्यालले बताउनुभयो ।

प्राविधिक शिक्षा आजको आवश्यकता भएकाले विद्यार्थीहरुको पठनपाठनमा सहयोग पुर्याउन प्राविधिक शिक्षातर्फ विद्यार्थीहरुको आकर्षण बढाउन छात्राबृत्ति कार्यक्रम संचालन गरिदै आएको उपाध्यक्ष अर्यालको भनाइ छ । यस कार्यक्रमलाई आगामी वर्षहरुमा पनि निरन्तरता दिने र गाउँपालिकाले थप कार्यक्रमहरु ल्याउने बताउनु भएको छ।

गाउँपालिकाका उपाध्यक्ष धर्म बहादुर अर्यालको अध्यक्षतामा भएको कार्यक्रममा प्रमुख प्रशासकिय अधिकृत सुमन पण्डित, शिक्षा युवा तथा खेलकुद शाखा प्रमुख देवकी सिंखडा, शाखा प्रमुखहरु, कार्यपालिका सदस्यहरु लगायतको उपस्थिति रहेको थियो।