धादिङबेशी बीचबजारमा पार्किङ गरेको कारभित्र शंकास्पद वस्तु फेला

धादिङको नीलकण्ठ नगरपालिका–३ बीचबजारमा  पार्किङ गरेको कारमा शंकास्पद वस्तु फेला परेको छ । सदरमुकामको बीचबजारमा रहेको त्रिपुरा पुस्तक पसलका सञ्चालक नारायन कुमार श्रेष्ठको बा १६ च ९१७२ नंम्बरको गाडीमा उक्त सामान फेला परेको हो ।

आज दिउँसो ३ बजेतिर अन्जान व्यक्तिले चाबी लगाएको सुटकेश राखेर गएको प्रत्यक्षदर्शी हरी श्रेष्ठले बताएका छन् ।

सिसिटिभि फुटेजका अनुसार धेरैबेर कार वरपर ओहोरदोहोर गरेर सुटकेस कारमा हालेको देखिएको धादिङका डिएसपी मकेन्द्र कुमार मिश्रले बताउनुभयो। उहाँका अनुसार डिस्पोजल टोली घटनास्थलमा पुगेको छ र घटनाबारे अनुसन्धान भइरहेको छ ।