खाल्टे आईचर दुर्घटनाका घाईतेको उपचारको लागि २५ लाख रकम संकलन

धादिङ,३ असार
खाल्टे दुर्घटनामा घाईतेको उपचारको लागि आर्थिक सहयोग संकलन रकमको पत्रकार सम्मेलन गरी सार्बजनिक गरीएको छ।गत बैशाख २ गते नीलकण्ठ नगरपालिका वडा नम्बर ५ पाल्पाली टोलमा भएको आईचर दुर्घटना परी घाईते भएकाहरुको उपचारको लागी आर्थिक संकलन अभियान सन्चालन गरिएको थियो ।वडा नम्बर ५ का वडा अध्यक्ष रामकुमार श्रेष्ठको नेतृत्वमा आर्थिक संकलन गरीएको थियो।

घाईतेको उपचारको लागि आर्थिक संकलन अभियानमा २५ लाख ५० हजार ४ सय ४६ रुपैँया संकलन भएको वडा अध्यक्ष श्रेष्ठले पत्रकार सम्मेलन मार्फत जानकारी गराउनुभएको थियो ।संकलित रकम मध्ये घाईतेको उपचारको लागि ८ लाख ८३ हजार ९२ रुपैँया खर्च भएको छ ।संकलित रकम मध्ये १६ लाख ६७ हजार ३ सय ७२ रुपैँया बाँकि रहेको पत्रकार सम्मेलन मार्फत जानकारी गराईएको थियो।

बाँकि भएको रकम मृत्यु भएका परिवार र घाइतेहरुको सल्लाह अनुसारनै खर्च गरिने वडा अध्यक्ष श्रेष्ठले बताउनुभयो।घाईतेको उपचारको लागि सन्चालन भएको अभियान बन्द भएको र उक्त खातामा रकम जम्मा नगर्न समेत अनुरोध गरिएको छ।र्दुघटना पश्चात सहयोग गर्ने नीलकण्ठ नगरपालिका, राजनीतिक दल,एम्बुलेन्स चालक,जिल्ला अस्पताल लगायत सरोकारवाला निकायलाई वडा अध्यक्ष श्रेष्ठले धन्यवाद दिनुभएको छ ।

आर्थिक संकलन अभियानमा ४ सय ७७ जनाले सहयोग गर्नुभएको थियो ।वि.स.२०८१ बैशाख २ गते नीलकण्ठ नगरपालिका ५ धादिङ दाउन्ने खोला पाल्पाली टोलमो आईचर टक दुर्घटना हुँदा ४ जनाको मृत्यु भएको थियो। दुर्घटनामा परी ५ जना घाईते हुनुभएको थियो ।घाईते मध्ये ४ जना डिस्चार्ज भैसकेको र एक जनाको उपचार जारी रहेको छ ।