धादिङमा कबुलियती वन समूहका सदस्यहरुलाई मौरी पालन तालिम संचालन

धादिङबेशी । डिभिजन वन कार्यालय धादिङको आयोजनामा गल्छी गाउँपालिका वडा नं. ५ मा रहेका गैरीगाउ पाखा कवुलियत वन समूह र पतेरों डाडा कबुलियती वन समूहका १६ जना सदस्यहरुलाई मौरी पालन तालिम तथा घार सहितको मौरी वितरण कार्यक्रम सुरुवात भएको छ । आर्थिक बर्ष २०८०।०८१ मा विनियोजित भएको बजेट वाट पांच दिने मौरी पालिन तालिम संचालन गरिएको हो ।

बैरेनी सव डिभिजन बन कार्यालय धादिङको डिभिजन प्रमुख राजकुमार ठाकुरको प्रमुख अभिभाकत्वमा संचालन भएको कार्यक्रममा स्थानिय जनप्रतिनिधि तथा डिभिजन बन कार्यालय धादिङका कर्मचारीहरुको अभिभाकत्व रहेको छ । तालिमलाई अग्रज कृषक नारायण घिमिरेले सहजीकरण गर्नु भएको छ ।

कबुलियत बन समुहका सदस्यहरुलाई आय मुलक कार्यको लागी क्षमता अभिबृद्धि कार्यक्रम संचालन गरि ब्यवसायीक रुपमा मौरी पालन गरि आयआर्जनमा टेवा पु¥याउने उदेश्यका साथ यो तालिम संचालन गरिएको हो ।

पांच दिन सम्म संचालन हुने तालिममा मौरी पालन तालिमको महत्व, देखिएको समस्या र समाधानको उपाय, मौैरीको संरक्षण तथा मौरीको बजारीकरण आदिको बारेमा सहजीकरण हुने र अन्तिम दिन घार सहित मौरी बितरण, टोपी, पन्जा कुईन गेट समेत बितरण गरिने डिभिजन बन कार्यालय धादिङका कर्मचारी अर्जुन कुमार श्रेष्ठले बताउनु भयो ।

कबुलियती वन समूहको सदस्यहरुको आर्थिक सामाजिक, सास्कृतिक अवस्थामा परिवर्तन लेराउनका लागि डिभिजन वन कार्यालय धादिङले प्रयास गरिरहेको छ । यो तालिम सम्पन्न भएपछि सम्पूर्ण सदस्यहरुले व्यावसायिक रुपमा मोरी पालन गरि आयआर्जनमा बृद्धि हुने अपेक्षा गरिएको छ । आगामी दिनमा मौरीलाई मन पर्ने चिउरी, कल्की फुल लगाएतका बिभिन्न प्रजातीका बिरुवाहरु वृक्षारोपण गरिने प्रमुख अभिभाकत्व ग्रहण गर्नुहुने ठाकुरले जानकारी दिनु भयो ।

कार्यक्रममा कबुलियती वन विकास कार्यक्रम तर्फका डिभिजन सुपरभाइजर सीता कोइराला, वन प्राविधिक सहायक अनुश्या ढुंगाना, समूह परिचालिका अप्सरा पौडेल लगाएतको सहभागिता रहेको थियो।