रुबीभ्यालीको विकास एमाले बिना सम्भव छैन : डा. पुष्प कँडेल

धादिङबेशी । नेकपा एमाले लेखा आयोगका अध्यक्ष डा. पुष्प कँडेलले रुबीभ्याली विकास एमालेले सुरु गरेकोले अब फेरि एमाले विना विकास सम्भव नहुने बताउनु भएको छ ।

नेकपा एमाले रुबीभ्याली गाउँपालिका कमिटिको दोश्रो पालिका अधिवेशनलाई सम्बोधन गर्दै कडेलले रुविभ्यालीको बिकासमा नेकपा एमालले सघाउने बताउनु भयो । आफु राष्ट्रिय योजना आयोगमा उपाध्यक्ष हुँदा रुबीभ्याली एकीकृत विकास कार्यक्रमको खाका बनाउन गाउँपालिकालाई भनेपनि बजेट  खर्च गरेपनि खासै काम नगरेको र तत्कालीन गाउँपालिका टिमले वास्ता नगरेको डा. कँडेलको भनाई छ ।

राष्ट्रिय योजना आयोगमा रहँदा डा. कँडेलले योजना बनाएर धादिङबेसी तिप्लिङ, स्याप्रुबेसी सडक पक्कि बनाउन बहुवर्षीय रुपमा काम सुरु गरेको, ७ पुलको लागि योजना गरिएको बताउनुभयो । नेकपा एमाले रूविभ्याली गाउँपालिकाको दोस्रो अधिवेशनबाट नरमान तामाङलाई सर्वसम्मत अध्यक्ष निर्वाचित गरेको छ । अधिवेशनले उपाध्यक्षमा निर्मान तामाङ, सचिवमा मुल बहादुर तामाङ, उपसचिवमा राम घले निर्वाचित हुनुभएको छ ।

अधिवेशनलाई नेकपा एमाललेका केन्द्रिय सदस्य धर्मदत्त देवकोटा, एमाले धादिङका अध्यक्ष भुमी त्रिपाठी, केन्द्रिय लेखा आयोगका सदस्य मिनराज कडेल लगाएतले शुभकामना प्रकट गर्नु भएको थियो ।