नसर्ने रोगहरुको निःशुल्क परिक्षणमा २ सय १५ जना लाभान्वित

धादिङ,१२ बैशाख
धादिङबेशीमा भएको नसर्ने रोगहरुको निःशुल्क परिक्षणमा २ सय १५ जनाले सेवा लिएका छन्् ।जनस्वास्थ्य कार्यालय धादिङको आयोजनामा र सहारा महिला बचत तथा ऋृण सहकारी संस्थाको समन्वयमा नसर्ने रोगहरुको निशुल्क परिक्षण गरिएको हो। सहारा साकोसको कार्यालयमा भएको कार्यक्रममा सुगर, प्रेसर, हाइट ,वेट ,पिसाब लगायतको परिक्षण गरिएको थियो ।संस्थामा सदस्य भएका र सदस्य नभएका सबैलाई लक्षित गरि आयोजना गरिएको कार्यक्रममा २ सय १५ जनाको निशुल्क स्वास्थ्य परिक्षण गरिएको सहारा महिला बचत तथा ऋृण सहकारी संस्था लिमिटेडका अध्यक्ष पार्वती राई खाँणले जानकारी दिनुभयो ।