मुग्लीन नजिकै त्रिशुलीमा ट्याक्सी खस्यो, सवार ५ जनाकै मृत्यू

धादिङबेशी । काठमाण्डौ बाट गोरखा जाँदै गरेको बा २ ज ४१९६ नम्बरको ट्याक्सी मुग्लीन नजिकै त्रिुशली नदिमा खसेको छ । आज बिहान मुग्लीन बाट १ किलोमिटर काठमाण्डौ तर्फको सडकबाट ट्याक्सी २ सय मिटर तल त्रिशुली नदिमा खसेको हो ।

ट्याक्सीमा गोरखा नगरपालिका वडा न ७ का बासिन्दाहरु सवार रहेका घटनास्थलबाट स्थानियहरुले बताएका छन् । ट्याक्सीमा ५ जना यात्रु सवार रहेको उनिहरुको भनाई छ ।

ट्याक्सी नदिमा आदि डुबेको र देखिएका यात्रु सवै मृत अवस्थामा रहेको उद्धारमा संग्लग्न सुरक्षाकर्मीहरुले बताएका छन् । आफन्तको मृत्यू पश्चात दाहसंस्कार गरेर फर्कने क्रममा उनिहरु एउटै ट्याक्सीमा आएको स्थानियहरुले बताएका छन् ।

घटनास्थलमा हाल नेपाल प्रहरी,सशस्त्र प्रहरीको विपद व्यवस्थापन गण कुरिनाटारको टोलीले उद्धार गरिरहेका छन् ।मृतकहरुको पहिचान भने भइसकेको छैन ।