धादिङमा नवजात शिशु तथा बाल रोगको एकीकृत व्यवस्थापन तालिम संचालन

धादिङबेशी । स्वास्थ्यकर्मीहरुको लागि समुदायमा आधारित नवजात शिशु तथा बाल रोगको एकीकृत व्यवस्थापन तालिम धादिङबेशी संचालन गरिएको छ । स्वास्थ्य कार्यालय धादिङको आयोजनामा स्थानिय तहका स्वास्थ्यकर्मीहरुको लागि ६ दिने तालिम संचालन गरिएको हो ।

तालिममा २ महिनादेखी ५ वर्षसम्मको बच्चाहरुको मुल्याङ्कन वर्गिकरण र उपचार, ज्वरो, शिघ्र कुपोषण, कानको समस्या, उपचार लगायतको विषयमा सहजीकरण गरिएको थियो ।

तालिममा बाल रोग विशेषज्ञ सजल त्वानाबासु, मेट्रोन अस्पतालका सजना साख र स्वास्थ्य कार्यालय धादिङ बाट बिभु कुमार झा र तोयानाथ छत्कुलीले सहजीकरण गर्नु भएको थियो ।

तालिममा धादिङको १३ स्थानिय तहको २६ जना स्वास्थ्यकर्मीहरुको सहभागीता रहेको थियो ।