खेल क्षेत्र र खेलाडीको हक हितमा नीलकण्ठ नगरपालिका प्रतिवद्ध छ : मेयर ढुङ्गाना

धादिङबेशी । नीलकण्ठ नगरपालिकाको आयोजनामा आजदेखि धादिङबेशीमा अन्तरपालिका स्तरीय फुटसल प्रतियोगिता सुरु भएको छ । नीलकण्ठ नगरपालिकाका प्रमुख भीम प्रसाद ढुंगानाको प्रमुख आतिथ्यता आज देखि फुटसल प्रतियोगिता सुरु भएको हो ।

प्रतियोगिताको उद्घाटन सत्रमा शुभकामना मन्त्यब्य राख्दै नीलकण्ठ नगरपालिकाका प्रमुख भीम प्रसाद ढुङ्गानाले एक आपसमा आत्मियता बढाउन यस किसिमको खेलले मद्धत पुग्ने बताउनु भयो । उहाँले नीलकण्ठ नगरपालिकाले खेलकुद क्षेत्र र खेलाडीहरुको हक हितमा काम गर्दै आएको र आगामी दिनमा पनि निरत्तर गर्दै जाने बताउनु भएको छ ।
निलकण्ठ नगरपालिकाले दोस्रो पटक फुटसल प्रतियोगिता गरिएको भन्दै खेलाडीले नगरको सान मात्र नबड्ने भई यस किसिमको कार्यक्रमले आन्तरिक पर्यटन बड्ने र आर्थिक चलखेलमा समेत टेवा पुग्ने बताउनु भयो ।

त्यसैगरी नीलकण्ठ नगरपालिकाका उप प्रमुख दिपक बिश्वकर्माले खेलक्षेत्रको प्रोत्साहन गर्नका लागी नै यस किसिमको आयोजना गरिएको बताउनु भयो । उहाँले नगरभित्रका खेलाडीहरुरुलाई मनोबल बढाउन खेलाडीहरुलाई सम्मान पनि गर्दै आएको बताउनु भयो ।

उद्घाटन सत्रमा सम्बोधन गर्दै नेत्रावती डवजोङ गाउँपालिकाका उपाध्यक्ष सितामाया चोदेनले खेलकुदले स्वास्थ जीवन यापनमा समेत सहयोग पुग्ने भएकोले खेलकुदको महत्व अतुलनीय रहेको बताउनु भएको छ ।

प्रतियोगितामा प्रथम, द्धितिय र तृतिय हुने पालिकालाई क्रमश नगद १ लाख, ५० हजार र २५ हजार सहित ट्रफी मेडल र प्रमाण पत्र प्रदान गरिने छ । साथै उत्कृष्ट प्लेयर, उत्कृष्ट किप्पर र सर्वाधिक गोलकर्तालाई जनही ५ हजार मेडल र प्रमाण पत्र प्रदान गरिने छ । प्रतियोगितामा खेलाडीहरु जनप्रतिनिधि तथा कर्मचारी मात्र समावेश भएका छन् ।

प्रतियोगिताको उद्घाटन सत्रमा नीलकण्ठ नगरपालिकाका उप मेयर दिपक बिश्वकर्मा, नेत्रावती डवजोङ गाउँपालिकाका उपाध्यक्ष सितामाया चोदेन,गंगाजामुना गाउँपालिकाका प्रमुख प्रशाशकीय अधिकृत अनिल श्रेष्ठ, खनियाबास गाउँपालिकाका निमित्त प्रमुख प्रशाशकीय अधिकृत नवराज श्रेष्ठ लगाएतको आतिथ्यता रहेको थियो ।