२६ औं बार्षिक उत्सबको अबसरमा बुधबार सिपिमा बिबिध कार्यक्रम हुँदै

धादिङबेशी । धादिङवेसीमा रहेको चिल्ड्रेनपार्क आवासीय माध्यमिक विद्यालयले २६ औं वार्षिक उत्सवको अवसर पारेर विभिन्न कार्यक्रमको आयोजना गर्ने भएको छ । निजी विद्यालयमा गुणस्तरीय शिक्षा प्रदान गरी स्थापित भएको विद्यालयले फागुन २ गते श्रीपञ्चमीको दिन विद्यालयले पहिलो चरणमा बिहानैदेखि सरस्वती पूजा, अक्षरआरम्भ कार्यक्रमसँगै नयाँ विद्यार्थीलाई स्वागत कार्यक्रम राखेको छ ।

त्यसैगरी दोस्रो चरणमा चर्चित मोटिभेसनल स्पीकर प्रितम पौडेलको उपस्थितिमा विशेष अभिभावक परामर्श कार्यक्रम रहेको छ । विहान १० बजेदेखि सुरु हुने अभिभावक परामर्श कार्यक्रमलाई विद्यालयले उच्च महत्व दिएको छ । विद्यालयले वार्षिक उत्सवकै अवसरमा अभिभावकहरुको नृत्य प्रतियोगिता, राष्ट्रपति रनिङ शिल्डमा पदक विजेतालाई सम्मान, सिपी कलेजबाट बि.बि.एस उत्तीर्ण विद्यार्थीलाईको दीक्षान्त, शिक्षक दीर्घ सेवा सम्मानसँगै विविध सांस्कृतिक कार्यक्रम समेतको आयोजना गरेको विद्यालयका प्रिन्सिपल षष्टिकुमार श्रेष्ठले बताउनु भयो ।

श्रीपञ्चमीको दिनलाई अक्षरआरम्भ गराउने महत्वपूर्ण दिनका रुपमा लिईने भएकाले साना वाबुनानीहरूलाई विद्यालयमा ल्याई अक्षर आरम्भ कार्यक्रममा सहभागी गराउन पनि अभिभावकलाई विद्यालयले आग्रह गरेको छ ।