ज्येष्ठ नागरिक जिल्ला संघ धादिङको अध्यक्षमा वासुदेव लम्साल चयन

धादिङबेशी । ज्येष्ठ नागरीक जिल्ला संघ धादिङको अध्यक्षमा वासुदेव लम्साल निर्वाचित हुनुभएको छ । शनिबार धादिङबेशीमा सम्पन्न तेस्रो साधारण सभा तथा दोस्रो अभिवेशनले लम्सालको अध्यक्षतमा १५ सदस्यीय समिति चयन गरिएको हो ।

जसको उपाध्यक्ष उपाध्यक्षमा विष्णुभक्त श्रेष्ठ, सचिवमा सिताराम अधिकारी, कोषाध्यक्षमा शान्ति माया गुरुङ निर्विरोध चयन हुनुभएको छ । त्यसैगरी सदस्यहरुमा मान बहादुर बानिय, रेशमराज सिंखडा, बलराम श्रेष्ठ, रामचन्द्र अधिकारी, वेदनिधि नेपाल, गणेशबहादुर राउन, रामनाथ योगी, सुमित्रा मल्ल, इन्द्र बहादुर श्रेष्ठ, केशरी प्रसाद पन्त र योज्ञश्वर अर्याल चयन हुनुभएको छ ।

नीलकण्ठ नगरपालिकाका मेयर भीम प्रसाद ढुंगानाको प्रमुख आतिथ्यता तथा उप मेयर दिपक विश्वकर्माको विषेश आतिथ्यतामा सम्पन्न कार्यक्रममा सहायक प्रमुख जिल्ला अधिकारी हुमनाथ पराजुली, प्रहरी उपरिक्षक गौतम मिश्र लगायतको आतिथ्यता रहेको थियो ।