गुप्त बहादुर पौडेलको ८८ औँ जन्मदिनमा विद्यालयलाई गिजर हस्तान्तरण

धादिङ,१० माघ
नीलकण्ठ नगरपालिका वडा नम्बर ८ स्थित ससाह निवासी गुप्त बहादुर पौडेलले आफ्नो जन्मदिनमा विद्यालयलाई गिजर हस्तान्तरण गर्नुभएको छ।८८ औँ जन्म दिनको अवसरमा नीलकण्ठ नगरपालिका वडा नम्बर ८ मा रहेको स्वाबलम्बी बहिरा माध्यममिक विद्यालयलाई २ थान गिजर सहयोग गर्नुभएको हो।बहिरा विद्यार्थी पढ्ने विद्यालयलाई जाडो मौसममा पानी तताएर सरसफाई गर्न सहज होस भनेर गिजर सहयोग गरीएको गुप्त बहादुर पौडेलले बताउनुभयो।३६ हजार बराबरको २ थाना गिजर विद्यालयमा एक कार्यक्रमको आयोजना गरी विद्यालयलाई हस्तान्तरण गरीएको हो ।

विद्यालय व्यवस्थापन समितिका अध्यक्ष रमेश दाहालको अध्यक्षतामा सम्पन्न भएको हस्तान्तरण कार्यक्रममा मानव अधिकार संगठनका जिल्ला अध्यक्ष तथा त्रिकोण खबर डट कमका प्रधानसम्पादक कृष्णराज अधिकारी,दार्खाली पौडेल समाजका अध्यक्ष रामकृष्ण पौडेल,समृद्ध समाज नेपालका अध्यक्ष बालकृष्ण नेपाली,विद्यालयका प्रधानाध्यापक राम प्रसाद अधिकारी,गुप्त बहादुर पोडेलका छोराहरु कृष्ण बद्री पौडेल,केदार पौडेल तथा पौडेल परिवारका सदस्यहरुको सहभागिता रहेको थियो । केक काटेर जन्मदिन मनाउने परिपाटीलाई अन्त्य गरी बैदिक सनातन धर्म अनुसार पुजा पाठ र दान गरेर जन्मदिन मनाउनुपर्छ भन्ने सन्देश दिनको लागि विद्यालयलाई गिजर सहयोग गरीएको कृष्ण बद्री पौडेलले जानकारी दिनुभयो ।