न्यु किबो बोर्डिङ स्कुलमा खेलकुद उत्सव सुरु (फोटो फिचर)

धादिङ,०९ माघ ।
विद्याथीहरुको खेलकुदमा भएको क्षमता पहिचान गर्नको लागि न्यु किबो बोर्डिङ स्कुलमा खेलकुद उत्सव सुरु गरिएको छ । विद्यार्थीहरुको सर्वाङ्गीण विकासको लागि उनीहरुको प्रतिभा उजागर गर्ने उद्धेश्यले विद्यलालयमा विभिन्न खेलकुद उत्सवका कार्यक्रमहरु संचालन गर्ने गरिएको प्रिन्सीपल प्रयास रेग्मीले बताउनुभयो ।

खेलकुद पनि विद्यालयकै नियमित खेलकुद गतिविधिभित्र पर्ने भन्दै कतै खेलेर त कतै पढेर सिकाई हुने उहाँले बताउनुभयो । नियमित सिकाई गतिविधिलाई पूर्णता दिनका लागि खेलकुद उत्सव आयोजना गरिएको रेग्मीले बताउनुभयो ।

विद्यालयका खेलकुद शिक्ष तथा अतिरिक्त क्रियाकलाप संयोजक अनुप भटका अनुसार न्यु किबो बोर्डिङ स्कुलको वार्षिक कार्यक्रम अनुसार आजदेखि खेलकुद उत्सव सुरु भएको छ । आज न्यु किबो बोर्डिङ स्कुल परिसरबाट सान्तबजार सम्म विभिन्न झाँकी सहित ¥याली निकालीएको थियो ।

७५० भन्दा बढी विद्यार्थीको संख्या रहेको न्यु किबो बोर्डिङ स्कुलमा प्रत्येक विद्यार्थीलाई एउटा खेलमा समावेश गराउनु पर्छ भन्ने हेतुले एकदिनमा २० वटा भन्दा बढी खेल खेलाउने भटले बताउनुभयो ।

नरसरी देखि कक्षा ९ सम्मका विद्यार्थीहरुलार्य ४ तहमा छुट्याएर खेल संचालन गरिएको उहाँले बताउनुभयो । भट्टका अनुसार खेलकुद उत्सवमा राष्ट्रिय स्तरमा प्रचलित फुटबल, बासकेटबल, टेबल टेनिस, ज्याबलिङ थ्रो, रेस लागायतका विभिन्न खेलहरु खेलाइने छ । आज मंगलबारदेखि सुरु भएको खेलकुद उत्सव शुक्रबारसम्म चल्ने छ ।