प्रत्येक शनिवार बजार क्षेत्र वरपर रहेको खोला सरसफाई गर्दै नीलकण्ठ नगरपालिका

धादिङ, ६ माघ
नीलकण्ठ नगरपालिकाले नगर वरपर रहेको खोला सरससफाई गर्ने अभियान सन्चालन गरेको छ । प्रत्येक हप्ताको शनिवार बिहान नगरपालिकाले नगर वरपर रहेको थोपल खोला,अरुण खोला र आँसि खोला सरसफाई सन्चालन गर्दै आईरहेको छ । नीलकण्ठ नगरपालिकामा रहेका नदि किनार तथा सार्वजनिक स्थल सफा र हराभर राख्नको लागि साप्ताहीक रुपमा सरसफाइ गरिदै आईएको छ ।नीलकण्ठ नगरपालिकाको आयोजनामा सत्य वचन परम् इश्वरीय मार्गदर्शन सामाजिक संस्था जिल्ला शाखा धादिङ, नगर प्रहरी, नेपाल प्रहरी, टोल सुधार समिति लगायतको सहभागितामा आज शनिवार गणेश मार्ग थोपल खोलामा सरसफाई अभियान संचालन गरिएको हो।

शनिबार नीलकण्ठ नगरपालिकाका नगरी प्रहरी प्रमुख तेज बहादुर लामिछानेको नेतृत्वमा सरसफाइ गरिएको हो।नीलकण्ठ नगरपालिकालाई फोहोर मुक्त नगर बनाउने उदेश्यका साथ सार्वजनिक विदा र शनिबारका दिन अभियानकै रुपमा सरसफाई कार्यक्रम संचालन गरिएको लामिछाने बताउनुभयो ।घरबाट निस्केको फोहोरहरु खोलानालामा नफाल्न र फोहोर बोक्ने सवारी साधन नआईकन घरबाहिर फोहोर नराख्न नगर प्रहरी प्रमुख तेज बहादुर लामिछाने बजारबासीलाई आग्रह गर्नु भएको छ ।