प्रहरी जनताको साथी रहेछ भन्ने सन्देश दिने गरी काम गरेको छुः एसपी मिश्र (भिडियो सहित)

धादिङ,५ माघ
धादिङ प्रहरीले एक बर्षमा नागरिकहरुले महशुस हुने गरी काम गरेको प्रहरी प्रमुख(एपपी) गौतम मिश्रले बताउनु भएको छ । धादिङ सरुवा भएर आएको दिन बनाएको योजना अनुसार नै काम गरीरहेको बताउनुभो ।नीलकण्ठ एफएमबाट प्रसारण हुने जिल्लाको चर्चित रेडियो कार्यक्रम नीलकण्ठ संवादमा कुराकानी गर्दै उहाँले धादिङको शान्ति सुरक्षा, अपराध, दुर्घटना न्यनुनीकरण र सचेतना लगायतका कार्यमा उल्लेख्य काम भएको बताउनुभयो । फरार अभियुक्त पक्राउ,अस्थाई प्रहरी पोष्ट स्थापना,प्रहरी परिसरको सरफाई,मन्दिर निर्माण,नयाँ फाईल खोल्नुको साथै हिरासत कक्षमा पुस्तकालयको स्थापना पनि एकै बर्षमा गर्न सफल भएको बताउनुभयो ।

बागमती प्रदेशका जिल्ला मध्ये सबैभन्दा बढी सचेतनाको कार्यक्रम जिल्लामा भएको भन्दै उहाँले चालक,सहचालक स्वास्थ्य परिक्षण,प्रहरीसँग विद्यार्थी,प्रहरी शिक्षक कार्यक्रम गर्नुको साथै जिल्लामा आपराधिक घट्ना र सडक दुर्घटनामा समेत कमी आएको बताउनुभयो ।प्रहरीलाई जनमैत्री, जनमुखी बनाउनु पर्छ भनेर जनताका सुझाव र सुचनाका आधारमा काम गर्दै अगाडि बढेको भन्दै उहाँले सबैको कारणले आफुले काम गर्न सफल भएको बताउनुभयो । समुदाय प्रहरी साझेदारी कार्यक्रम अन्तरगत जिल्लामा १३ सय ७७ वटा कार्यक्रमहरु संचालन भएको बताउनुभयो ।

नागरिकहरुले गरेको अपेक्षा अनुसार नै आफुहरुले काम गरेको भन्दै उहाँले आपराधिक घट्ना भए वा हुन सक्ने सम्भावना भए आफुलाई फोन गर्नको लागि समेत आग्रह गर्नुभएको छ । प्रहरी र जनताबीच नङ मासुको सम्बन्ध हुनुपर्ने भन्दै उहाँले गल्ति गर्ने बाहेक अरु प्रहरीसँग डराउनु नपर्ने स्पष्ट पार्नुभयो । प्रहरी जनताको साथी रहेछ भन्ने भावना जनतामा विस्तार हुँदै गएको उहाँले बताउनुभयो ।

प्रहरी पमुख एसपी गौतम मिश्रसँग पत्रकार रामकुमार थापाले गर्नुभएको कुराकानीको पुरा भिडियो ।