चिल्ड्रेनपार्कको बार्षिक खेलकुदमा नीलो सदन प्रथम,प्याव्सन दिवसको अवसरमा बिजेता सनदलाई पुरस्कार वितरण

धादिङ,२५ पुस 
३३ औँ प्याब्सन दिवसको अवसर पारेर चिल्ड्रेनपार्क आवासिय माध्यमिक विद्यालयको खेलकुद प्रतियोगिताको बिजयी टिमलाई पुरस्कार वितरण गरीएको छ । नीलकण्ठ नगरपालिका वडा नम्बर ४ मा रहेको जिल्लाकै अग्रणी शैक्षिक संस्था चिल्ड्रेन पार्क आवासिय माध्यमिक विद्यालयले मंगलबार ३३ औँ प्याब्सन दिवसको अवसरमा गत पौष ११ देखी १३ गते सम्म भएको बार्षिक खेलकुद २०८० बिजेता सनहरुलाई ट्रफि सहित पुरस्कृत गरीएको हो ।तीन दिन सम्म भएको खेलकुद प्रतियोगितामा ३३ स्वर्ण,२४ रजन र १९ कास्य सहित नीलो सदन उत्कृष्ट हुदै प्रथम हुन सफल भएको थियो ।यसैगरी अनुशासित सदनको ट्रफि भने रातो सदनले प्राप्त गरेको छ । फुटसल छात्र र छात्रा दुवै तर्फ हरियो सदन बिजेता बनेको थियो । छात्र भलिबल तर्फ नीलो सदनले ट्रफि जित्न सफल भएको थियो । प्रतियोगितामा फेयर प्ले अवार्ड भने पहेलो सदनले प्राप्त गरेको छ ।

विद्यालय व्यवस्थापन समितिका अध्यक्ष विनोदमान श्रेष्ठको अध्यक्षतामा सम्पन्न भएको पुरस्कार वितरण कार्यक्रममा नेपाल सरकारको पुर्व उपसचिव डा.केशव सुवेदीको प्रमुख आतिथ्यतामा कार्यक्रम सम्पन्न भएको हो । कार्यक्रममा खेलकुद समितिका संयोजक,सदस्यहरुलाई विशेष आभार प्रकट गर्दै चारै वटै सदनका सदन शिक्षकहरुलाई प्रशंसा पत्र प्रदान गरीएको प्रिन्सिपल षष्टि कुमार श्रेष्ठले जानकारी दिनुभयो । यसैगरी प्रिन्सिपल षष्टि कुमार श्रेष्ठले सम्पुर्ण विजेता सदन,सदन शिक्षकहरु र विद्यार्थीहरुलाई हार्दिक बधाई तथा धन्यवाद व्यक्त गर्नुभएको थियो ।