अमेरिकन सरकार र नीलकण्ठ सरकारबिच नीलकण्ठमा हुने(जिटुजी) प्रस्तावित कार्यक्रम माथि छलफल

धादिङ,२४ पुस
अमेरिकन सरकारको साझेदारीमा(जिटुजी)मोडेलमा गर्ने प्रस्तावित कार्यक्रम सम्बन्धी छलफल कार्यक्रम मंगलबार धादिङबेसीमा सम्पन्न भएको छ ।नीलकण्ठ नगरपालिका र अमेरीका सरकारबीच सम्झौता भई नीलकण्ठको कृषि क्षेत्र र जलवायु परिवर्तनको क्षेत्रमा गर्न सकिने कामहरुको विषयमा दफाबार छलफल भएको हो ।७० प्रतिशत अमेरीकी सरकार(युएसआईडी) र ३० प्रतिशत नीलकण्ठ नगरपालिकाको साझेदारीमा नीलकण्ठको १४ वटै वडामा गर्न सकिने कामको विषयमा छलफल भएको हो।

नीलकण्ठ नगरपालिकाका मेयर एवं नेपाल नगरपालिका संघका केन्द्रिय अध्यक्ष भीम प्रसाद ढुंगानाको अध्यक्षतामा सम्पन्न भएको कार्यशालामा नगर उप प्रमुख दिपक विश्वकर्मा,प्रमुख प्रशासकीय अधिकृत पुरुषोत्तम सुवेदी, ,युएसएआईडीका डेपुटी डाईरेक्टर डेभिड म्यान,युएसएआईडीका शुसिल पौडेल,नीलकण्ठ नगरपालिकाका सल्लाहकार दिपक कोईराला,१४वटै वडाका वडा अध्यक्षहरु,कार्यपालिका सदस्यहरु,शाखा प्रमुखहरु,एक्सन नेपालका कार्यकारी निर्देशक कमल ढुंगाना,युएसआईडीकै कल्पना अर्याल,तयार नेपालका सुधा रिमाल लगायतको आतिथ्यता रहेको थियो ।कार्यक्रममा जिटुजी मोडेलमा नीलकण्ठमा गर्न सकिने कामको विषयमा प्रशासन शाखा प्रमुख लोकनाथ उपाध्यायले प्रस्तुतीकरण गर्नुभएको थियो ।

जिटुजी माध्यमबाट हुने कामलाई समय सिमा भित्र सक्ने गरी काम गर्नुपर्ने नगर प्रमुख भीम प्रसाद ढुंगानाले बताउनुभयो।नीलकण्ठ नगरबासीको मुहारमा खुसि आउने गरी काम गर्नुपर्ने भन्दै उहाँले जिटुजी माध्यमबाट हुने कामले नीलकण्ठको विकासमा ठुलो भुमिका खेल्ने बताउनुभयो ।कार्यक्रम आउनु भन्दा पनि परिणाम के आयो भन्ने कुरा ठुलो भएको भन्दै ढुंगानाले काम गरेर देखाउने बेला आएको बताउनुभयो । मंगलबार बिहान ८ बजेदेखी भएको छलफल अपराह्न ४ः३० सम्म चलेको थियो । समुहगत छलफल गरी आएको बुँदालाई प्रस्तावित कार्यक्रमको लागि प्रस्ताव गरीएको छ ।

कार्यक्रमलाई सम्बोधन गर्नुहुदै नगर उप प्रमुख दिपक विश्वकर्माले वैदेशिक रोजगारमा जाने युवाहरुलाई रोक्नको लागि पनि यस्ता कार्यक्रमले महत्वपुर्ण भुमिका खेल्ने बताउनुभयो ।समृद्ध नीलकण्ठ निर्माणको लागि जिटुजी कार्यक्रमले महत्वपुर्ण भुमिका खेल्ने भन्दै प्रमुख प्रशासकीय अधिकृत पुरुषोत्तम सुवेदीले दिगो रुपमा आर्थिक समृद्धीको लागि नगरपालिकाले काम गरीरहेको बताउनुभयो ।नीलकण्ठ नगरपालिका भित्र कृषि उपज संकलन,प्रशोधन,बजारीकरण गर्ने,चिस्यान केन्द्र निर्माण गर्ने,कृषि उपज संकलन तथा विक्रि केन्द्र निर्र्माण तथा सन्चालन,कृषि एम्बुलेन्सबाट सेवा प्रवाह गरिने,कृषि उपजको प्याकेजिङ,व्रान्डिङ तथा बजारीकरण,कृषि सहायता कार्यक्रम अन्तरगत कृषि,भेटेनरी प्राविधिक परिचालन,कृषि क्षमता विकास कार्यक्रम,बिउ बैंक स्थापना गर्ने लगायतको कार्यक्रममाथि छलफल भएको छ।

यसैगरी ३ बर्षभित्र गर्ने गरी प्रत्येक वडामा कोल्ड चेम्बर निर्माण,कृषि सडक स्तरोन्नती गर्ने,कृषि उपज संकलन केन्द्र प्रत्येक वडामा निर्माण गर्ने,कृषि नंशाकन,कृषि अनुसन्धान लगायतको विषयमा काम गर्ने गरी छलफल अघि बढेको छ।कार्यक्रममा युएसआईडीका डेपुटी डाईरेक्टर डेभिड म्यान,युएसआईडीका शुसिल पौडेलले नीलकण्ठ नगरपालिकामा गर्न सकिने काम र चुनौतीको विषयमा सहजीकरण गर्नुभएको थियो।नेपालमै २ वटा नगरपालिका मध्ये नीलकण्ठ नगरपालिकामा उक्त कार्यक्रम सन्चालन गर्न लागिएको हो। कृषि क्षेत्रको विकास र जलवायु परिवर्तको क्षेत्रमा जिटुजी कार्यक्रमले ठुलो भुमिका खेल्नेछ । युवाहरुलाई कृषिमा आकर्षण गर्ने गरी कार्यक्रमको डिजाईन गरीएको नीलकण्ठ नगरपालिकाका सल्लाहकार दिपक कोईरालाले बताउनुभयो।प्रस्तावित कार्यक्रमहरुमा सम्झौता भए नीलकण्ठ नगरपालिको कृषि क्षेत्रमा ठुलो फड्को मार्ने कोइरालाले बताउनुभयो ।