सडक क्षेत्र भित्र रहेको अस्थाई संरचना हटाउन त्रिपुरासुन्दरी गाउँपालिकाको ३५ दिने सुचना

धादिङ,२३ पुस
त्रिपुरासुन्दरी गाउँपालिकाले सिक्टार–आगिन्चोक–बेलुङ–सुकभन्ज्याङ सडक खण्ड अन्तर्गत सडक अधिकार क्षेत्रभित्र रहेका संरचना हटाउन आग्रह गरेको छ । गाउँपालिकाको निर्णय तथा आर्थिक वर्ष २०८०/०८१ को वार्षिक कार्यक्रमम अनुसार गाउँपालिका अन्तरगत सिक्टार आगिन्चोक–बेलुङ–सुक भन्ज्याङ सडक खण्डको विस्तार तथा स्तरउन्नती गर्ने कार्य हुने भएकोले सडक अधिकार क्षेत्रभित्र रहेका संरचना हटाउन आग्रह गरेको हो ।

दुई भन्दा बढी स्थानीय तह जोड्ने सामरिक महत्वको रुपमा रहेको जिल्ला स्तरीय सडकको मापदण्ड सडकको केन्द्रदेखि दायाँ र बायाँ १५ मिटर सडक अधिकार क्षेत्र भित्र पर्ने घरटहरा तथा अन्य संरचनाहरु माघ २७ गतेभित्र हटाउन सम्बन्धित घर तथा जग्गा धनीहरुलाई अनुरोध गरिएको गाउँपालिकाले जनाएको छ ।

तोकिएको समयमा त्यस्ता किसिमका संरचना हटाउन अटेर गर्ने घर तथा जग्गाधनिहरुलाई स्थानिय सरकार संचालन ऐन २०७४ र प्रचलित कानुन बमोजिम हुने गाउँपालिकाले जनाएको छ ।

यस्तो छ सुचना