उद्योग बाणिज्य बचत तथा ऋण सहकारी संस्था लि.को दशौ बार्षिक साधारण सभा सम्पन्न, अध्यक्षमा ईश्वर धरेल चयन

धादिङबेशी । उद्योग बाणिज्य बचत तथा ऋण सहकारी संस्था लि.को दशौ बार्षिक साधारण सभा तथा चौथो अधिबेशन सम्पन्न भएको छ ।

आज सम्पन्न भएको साधारण सभा तथा अधिबशेनले ईश्वर धरेलको अध्यक्षतामा ११ सदस्यिय संचालक समिति र दिपक कुमार कडेलको संयोजकत्वमा ३ सदस्यिय लेखा सुपरिवेक्षण समिति सर्व सहमत चयन गरेको हो ।

नव गठित संचालक समितिको उपाध्यक्षमा बलराम खत्रि,महासचिवमा शालिकराम दुवाडी,कोषाध्यक्षमा लोक प्रसाद सापकोटा, सचिवमा शरण कुमार श्रेष्ठ,सह–कोषाध्यक्षमा शुक्र कुमार श्रेष्ठ रहेका छन् ।

त्यसैगरी सदस्यहरुमा अप्सरा दुवाडी,राजु रेग्मी,सृजना थापा मगर,नानीराम श्रेष्ठ र महेन्द्र खनाल रहेका छन् । साधारण सभा तथा अधिबेशन बाट लेखा सुपरिवेक्षण समतिका सदस्यहरुमा बद्री अधिकारी र समिर दुवाडी सर्व सहमत चयन भएका छन् ।

धादिङ उद्योग बाणिज्य बचत तथा ऋण सहकारी संस्था लि.को निवर्तमान अध्यक्ष खडानन्द त्रिपाठीको अध्यक्षतामा भएको साधारण सभामा धादिङ उद्योग बाणिज्य संघका अध्यक्ष बिष्णु प्रसाद थपलियाको प्रमुख आतिथ्यता तथा नेपाल बचत तथा ऋण केन्द्रीय सहकारी संघ लिमिटेड (नेफ्स्कून) धादिङका फिल्ड ईन्चाज सम्भु घिमिरेको बिशेष आतिथ्यता रहेको थियो ।