निर्माणधिन योजनाको अनुगमन गर्नुहुदै मेयर भीम प्रसाद ढुंगाना

धादिङ,१६ गते
नीलकण्ठ नगरपालिकाका मेयर एवं नेपाल नगरपालिका संघका केन्द्रिय अध्यक्ष भीम प्रसाद ढुंगानाले विकास निर्माणको अनुगमन गर्नुभएको छ । नीलकण्ठ नगरपालिबाट बिनियोजित रकमबाट निर्माणधिन योजनाहरुको सोमबार अनुगमन गर्नुभएको हो । विकास निर्माणको गुणस्तर भए नभएको हेर्न र कार्य विवरणको अवस्था बुझ्नको लागि मेयर ढुंगाना कार्य स्थलमा निस्कनु भएको हो ।नीलकण्ठ नगरपालिका वडा नम्बर ४ भुलभुले खोलामा निर्माधिन पुलको अनुगमन गर्नुभएको छ । पुल निर्माणको लागि नीलकण्ठ नगरपालिकाले २ करोड रुपैँया बिनियोजन गरेको थियो । मेयर ढुंगानाले ठेकदार सँग कार्य विवरणको प्रगती समेत माग्नु भएको थियो ।

साथै धादिङबेसी फ्याक्से सडकको समेत अनुगमन गर्नुभएको छ । उक्त सडको स्तर उन्नतीको लागि १ करोड रुपैँया बिनियन भएको नगर प्रमुख भीम प्रसाद ढुंगानाले बताउनु भएको छ। अनुगमनको साथै नगरबासीहरुसँग प्रत्यक्ष भेटघाट गरी राय संकलन गर्नुभएको छ ।नीलकण्ठ नगरपालिका वडा नम्बर ५ को पात्ले,डाँडा गाँउ लगायतका नागरिकहरुसँग भेटेर विकास निर्माणको विषयमा कुराकानी गर्नुभएको थियो । अनुगमनमा नेपाल नगरपालिका संघका केन्द्रिय सल्लाहकार तथा युवा नेता सरोज अधिकारी समेतको सहभागिता रहेको थियो

अनुगमनका क्रममा मेयर ढुंगानाले भन्नुभयो जनतालाई उत्तर दिन आफुले समयसिमा निर्धारण गरि टिपोट गरेको बताउनुभयो । जनताले पनि हामी संग सोध्छन् मेयर ढुंगानाले भन्नुभयो ,, कुन बाटो कहिले बन्छ रु,, जन अपेक्षा अनुरुप नगरपालिकाले विकास गर्ने लक्षका साथ आफु अगाडी बढिरहेको भन्दै मेयर ढुंगानाले सम्पूर्ण नगरवासीको सहयोग आबश्यक रहेको बताउनुभयो ।आफु देश विदेश बजेट ल्याउन गएको भन्दै यहि बर्षदेखी सूरु गर्ने गरी ८० करोडको कृषिमा क्षेत्रमा काम गर्ने गरी बजेट ल्याएको पनि बताउनुभयो । नगरपालिकामा मात्र बसेर बजेट नआउने भन्दै उहाँले जनताको कुनै काम पनि नरोकीने गरी आफुले व्यवस्थापन गरेर बाहिर गएको बताउनुभयो । नगरबासीले महशुस हुने गरी काम भईरहेको भन्दै उहाँले भएको कामलाई भएको भन्न पनि नगरबासीलाई आग्रह गर्नुभयो ।