भैरवी वचत तथा ऋण सहकारी संस्था लि.धादिङको चार वर्षे रणनीतिक योजना तर्जुमा गोष्ठी सम्पन्न

धादिङबेशी । भैरवी वचत तथा ऋण सहकारी संस्था लि. नीलकण्ठ – ३ धादिङको चार वर्षे रणनीतिक योजना तर्जुमा गोष्ठी सम्पन्न भएको छ । कोभिड पछि विश्व अर्थतन्त्रमा परेको प्रभावको कारण पछिल्लो समयमा केहि सहकारीमा देखिएको समस्याले संचालकलाई गम्भिर वनाएको छ ।

यहि पौष १४ र १५ गते दुई दिन लगाएर चारवर्षे रणनीतिक योजनाको खाका तयार पारेको हो । भैरवी साकोसका संचालक समितिका पदाधिकारी तथा सदस्यहरु, उपसमितिका सदस्यहरु, सल्लाहाकार र कर्मचारीहरुको उपस्थिति रहेको थियो भने, प्रशिक्षक अनिल विर बज्राचार्यले गोष्ठीको सहजीकरण गर्नु भएको थियो । ’’आर्थिक, सामाजिक तथा व्यवसायिक उन्नतिको लागि, पहिलो रोजाई भैरवी सहकारी’’ परिकल्पना तयार पारेको छ ।

२०५७ सालमा स्थापना भएको भैरवी सहकारीको ०८० असार सम्म २४१८ जना शेयर सदस्य ३ करोड २ लाख १३, तेह्र हजार १०० शेयर पूँजी, १६ करोड ७६ लाख ६५ हजार ९४२ कर्जा लगानी र २५ करोड ७७ लाख २६ हजार१ रुपैयाको कारोबार गरेकोमा, २०८४ सम्म शेयर सदस्यता ४२७१ जना, शेयर रकम पाँच करोड र बचतलाई समयानुकुल वृद्धि गर्नुका साथै चलिस करोडको कारोबार गर्ने लक्ष्य वनाएको संस्थाका महासचिव राजकुमार श्रेष्ठले जानकारी गराउनु भयो ।

शेयर सदस्यको गम्विर रोगको उपचार तथा दुरघटनाबाट घाईते भई अप्रेशन गराउनु परेको खण्डमा वढिमा रु. ३५ हजार सम्मा भुक्तानी गर्न शेयर सदस्य उपचार कोषको व्यवस्था गरिएको छ । पाँच प्रकारका वचतमा आकर्षक व्याज भुक्तानी र सात प्रकारका कर्जा लगानीमा सुलभ व्याजदर रहेको छ । स्थापना कालदेखि हाल सम्म केहि शेयर सदस्यहरुले लगानीको सावाँ व्याज भुक्तानी नगरेको कारण संस्थाको खुद मनाफा, कर्जा जोखिम कोषमा छुट्याउनु परेकोले गत आवमा ७.२७ प्रतिशत मात्र वितरण गरिएको छ ।

यस वर्ष दाहोरो अंकको मुफाना वितरण गर्न अशुली तर्फ ध्यान दिनु पर्ने भएकोले, जस्तोसुकै कदम चाल्नु परे पनि आफु पछि नहट्ने भन्दै कर्जा भुक्तानी नगर्ने सदस्यहरुलाई अध्यक्ष गणेशकुमार श्रेष्ठले चेतावनी दिनु भएकोछ ।