ख्रीष्टमस वडा दिनको अवसरमा धादिङको गजुरीमा ९० जनाद्धारा रक्तदान

धादिङ, १४ पौष ।
ख्रीष्टमस वडा दिनको अवसरमा धादिङको गजुरीमा ९० जनाले रक्तदान गरेका छन् । शनिबार पुनरुत्थान चर्च गजुरीको आयोजनमा स्रोत केन्द्र, छात्राबासमा भएको रक्तदान कार्यक्रममा ६१ जना पुरुष र २९ जना महिला गरी ९० जनाले रक्तदान गरेको हुन् ।

नेपाल पुनरुत्थान चर्च मिनिष्ट्रीजको संयोजनमा बिहान १० बजेदेखि दिउँसो ४ बजेसम्म भएको रक्तदान कार्यक्रममा इसाई समाज धादिङ, क्षेत्र नं १ को सहभागि तथा नेपाल रेडक्रस सोसाइटी रक्त संचार सेवा केन्द्र धादिङको प्राविधिक सहयोग रहेको थियो ।

जिल्लामा रगतको चरम अभावलाई न्युनीकरण गर्नको लागी विभिन्न मेला, पर्व, उत्सव, बार्षिक साधारण सभा लगायतका कार्यक्रमहरुमा विभिन्न संघ संस्थाहरुले रक्तदान कार्यक्रम राखि रगत संकलन गरीदैँ आएको छ ।