वातावरणीय अधिकार विषयमा धादिङमा सरोकारवालासँग अन्तरक्रिया

धादिङ,६ पुष
वातावरणीय अधिकार विषयमा धादिङमा सरोकारवालासँग अन्तरक्रिया कार्यक्रम शुक्रबार सम्पन्न भएको छ । सिविस संस्थाको आयोजना,जर्मन सहयोगको आर्थिक सहयोग र नीलकण्ठ नगरपालिका युथ नेटवर्कको सहकार्यमा अन्तरक्रिया कार्यक्रम सम्पन्न भएको हो ।नीलकण्ठ नगर युवा सञ्जालका अध्यक्ष सुस्मिता श्रेष्ठको अध्यक्षतामा सम्पन्न भएको कार्यक्रममा जिल्ला समन्वय समितिका उप प्रमुख कुलमान विश्वकर्माको प्रमुख आतिथ्यता रहेको थियो ।

कार्यक्रममा नीलकण्ठ नगरपालिकाका उप मेयर दिपक विश्वकर्मा,प्रमुख जिल्ला अधिकारी बद्रीनाथ गैह्रे,प्रहरी प्रमुख गौतम मिश्र,गैरसरकारी संस्था महासंघका अध्यक्ष शालिकराम दुवाडी,कृषि ज्ञान केन्द्रका निर्मला गुरुङको विशेष आतिथ्यता रहेको थियो । स्वागत मन्तव्य राख्नुहुदै सिविसका युवा पैरबी संयोजक पवन खरेलल वातावणका सवालहरू प्रत्यक्ष अप्रत्यक्षरूपमा अधिकारसँग जोडिएको बताउदै हरितगुह कायम गर्नपनी वातावरण जोगाउनुपर्ने बताउनुभयो ।

कार्यक्रममा बोल्ने अतिथीहरुले वातावरण जोगाउन हाम्रो वरपरको वातावरणलाई संरक्षण गर्नुपर्ने बताउनुभयो ।कार्यक्रममा डिभिजन वन कार्यालयका प्रमुख विष्णु प्रसाद आर्चायले जलवायु परिवर्तनले मानव स्वास्थ्य, खाद्य अधिकारमा पारेको असर ,समस्या, जलवायु परिवर्तनको सुचक,स्थानीय स्तरमा जलवायु परिवर्तनको समस्याहरु,युवाहरुको भुमिका र समाधानको उपायको बारेमा सहजिकरण गर्नुभएको थियो ।